Os membros da asociación O Santiaguiño de Carreira construiu recenemente unha cabana de palla tradicional. Imaxe: Evaristo Domínguez A parroquia de Carreira é a protagonista da nova entrega de "Zas polo miúdo", un programa de información en liña posto en marcha pola Concellería de Cultura do concello de Zas para dar a coñecer “polo miúdo” a riqueza natural e cultural de cada unha das dezaseis parroquias que compoñen o municipio.   Nesta entrega que reside na web municipal pódese atopar os principais datos demográficos e xeográficos da parroquia de Santiago de Carreira. Neste repaso pola freguesía tamén se fai unha mención especial ao movemento asociativo, especialmente á asociación O Santiaguiño que traballou pola recuperación do cultivo do liño, a construción dunha praia fluvial, a cría de cabalos no somonte de Pico de Meda, a festa da praia, a rapa das bestas e tamén restaurou unha casa de pedra que a día de hoxe se utiliza como local social. Precisamente este movemento social foi o tema elixido por unha antropóloga canadense - Sharon R. Roseman - que máis tarde publicou o libro “O rexurdimento dunha base rural no concello de Zas. O Santiaguiño de Carreira” (Edicóns Baía, 2008). Outro dos traballos que realizaron recentemente os membros desta entidade foi unha cabana tradicional con palla de millo – situada preto da igrexa –. Esta iniciativa - na que xa se repasaron once das dezaseis parroquias do Concello de Zas - conta coa colaboración dos historiadores Evaristo Domínguez Rial e Xosé Mª Lema Suárez.

Máis información

• Zas polo miúdo.

Novas relacionadas

• Zas recupera polo miúdo a historia da parroquia de Mira
• Zas potencia a “Ruta dos pazos barrocos” coa contratación dun técnico en patrimonio.
• De ruta polos pazos de Zas
• Coñecendo polo miúdo a historia da parroquia de Zas.
• Evaristo Domínguez e Xosé Mª Lema recuperan os valores da parroquia de Zas pola rede.
• A parroquia de Brandomil protagoniza a nova entrega de “Zas polo miúdo”.
• Zas presenta as súas parroquias a través da rede

Máis novas

• As Torres do Allo segue batendo marcas de visitantes por outono.

Fonte

• Redacción QPC ([email protected])
• Concello de Zas