A tarde do pasado sábado 18 de maio tivo lugar no Centro Sociocultural de Zas a entrega dos agasallos para os traballos seleccionados que se presentaron ó V Concurso de marcapáxinas que as bibliotecas do Concello de Zas convocaron para os/as escolares do Concello de Zas.

Foron presentados un total de 171 traballos dos que foron seleccionados os de:

• CATEGORÍA A (ata 5 anos): Pedro Pastoriza Bargo (CEIP Labarta Pose de Baio) e Laura García Martínez (CPI de Zas)
• CATEGORÍA B (De 1º A 5º de Primaria): Uxío Ferreiro Suárez (CPI de Zas) e Flavian Iotu Alim (CPI de Zas)
• CATEGORÍA C (De 6º de Primaria ata 4º da ESO):Paula Soneira Martínez (CPI de Zas) e Martín Romero Romero (CEIP Labarta Pose de Baio)

A continuación, o acto contou cunha Foliada grazas á participación do grupo Churía da A.C. Castro-Meda de Zas. Finalmente, rematouse cunha queimada para os/as maiores.

Máis diplomados en Informática

Ademais, a semana pasada finalizou na Aula de Informática Municipal de Zas o 3º grupo do Curso de Informática Básica. A estes 3 grupos de Zas, tamén hai que engadir outros 2 máis que se levaron a cabo con anterioridade na Aula de Informática Municipal de Baio, todos eles incluídos na Programación de Actividades do Concello de Zas 2012-2013.

Novas relacionadas

• O IES de Baio aprende en todas as frontes.

Fonte

• Concello de Zas.