Xoves. 28.03.2024
El tiempo

Os bares de Camelle apostan polos Pinchos Saudables

II Pinchos saudables
Os bares de Camelle apostan polos Pinchos Saudables

O médico de Camelle, Fernando Cuadrado, xunto á Asociación A Pergoliña e o Concello de Camariñas, impulsan a segunda edición das Xornadas dos Pinchos Sausables de Camelle. Unhas xornadas que teñen o claro obxectivo de demostrar que a costume de ir ao bar pode ser compatible cuns hábitos de vida saudables.

Tras o éxito do ano pasado, cando se celebrou a primeira edición destas Xornadas de Pinchos Saudables, os veciños e veciñas de Camelle solicitáronlle ao seu doutor que repetise unha iniciativa que xera movemento e visitas á parroquia de Camelle en xeral e á súa hostalaría en particular.

Este ano participarán catro establecementos: Estanco, Café Bar A Molinera (só abrirá sábado e domingo), Bar Rotterdam e Café Bar Marítimo. Servirase un pincho diferente por día en cada bar, e todos serán saudables, evitando sempre os fritos e apostando polas verduras, frutas, etc.

Para todos aqueles que completen os catro bares e entreguen a cartilla debidamente marcada haberá un regalo sorpresa que correrá a cargo do Concello de Camariñas. Ademais, tamén entrarán nun sorteo dun vale de 100 euros.

Cuadrado explicou que “grazas á colaboración coa farmacia de Camelle, en cada bar poderá atoparse unha guía de consellos para complementar estes hábitos de vida saudables, como pode ser beber auga constamente, camiñar…”.

Novas relacionadas

Comentarios