Imprimir

Mirando pola Terra: Crear “masa crítica” para saír do “malo será”

Redacción | 04 de agosto de 2020

 Participantes no Foro Mirando pola Terra
Participantes no Foro Mirando pola Terra

Arrincou este pasado luns o programa “Mirando pola Terra”. A primeira edición deste foro promovido por Pepe Formoso no Hotel Bela Fisterra, xuntou 9 profesionais da comarca para facer unha reflexión sobre os problemas e posibles solucións aos problemas estruturais da Costa da Morte.

Unha tertulia que que serviu para afondar na idea do empoderamento social para esixir a mellora das nosas infraestruturas. Soli Sánchez falou da necesidade de crear unha “masa crítica” na sociedade costeira, para ir saíndonos do “malo será”, como destacou Ricardo García Mira.

Soli e Ricardo foron dous dos 9 ponentes deste relatorio, que tamén destacou a importancia de “crear un sentimento de comunidade sen renunciar á identidade propia”, así como a importancia da educación desde idades temperás en valores de coidado e promoción da riqueza natural e cultural.

Porque a beleza e a riqueza natural da Costa da Morte foi destacada por todos os relatores. Jorge Mira mencionón o clima e os recursos enerxéticos, facendo fincapé en “os poucos beneficios que estes factores reportan para a comarca”. Realmente, a economía da zona vira actualmente ao redor dunha actividade: o turismo. Este é un dos maiores problemas identificados, xa que “o sistema non pode sosterse sobre unha actividade que depende tanto do contexto”, como destacou Paco Blanco. En cambio, Ángel Carracedo avoga por “atraer a xente de fóra para que veña a vivir aquí, aproveitando o auxe do teletraballo, e así xerar moitísimos más beneficios en diferentes ámbitos”. Nese sentido, o doutor Blanco puxo como exemplo o papel como dinamizador económico do Hospital Virxe da Xunqueira de Cee, xa que “o aumento de servizos públicos repercute de maneira directa na xeneración de empregó”.

Co obxectivo de dar a volta á paradigma turístico imposto na Costa da Morte e sacarlle un maior proveito, Antón Pombo propuxo seis medidas: “ecoturismo, fomento dos emprendedores e pequenos propietarios, declaración de parques naturais, potenciación dos recursos, cambio na concepción do Camiño de Santiago e promoción de actuacións artísticas relacionadas coa natureza”. Para iniciar o cambio necesítase a iniciativa e a vontade social. A súa ausencia é un dos principais motivos do estancamento da comarca.

Ricardo García Mira utilizou o término “indefensión aprendida, que consiste no conformismo da xente que, subxectivamente, pensa que non é capaz de facer nada”.

O tema central do faladoiro foi o futuro da Costa da Morte, que como recordaron pasa por “fuxir dos localismos, e crear un sentimento de unión e colaboración”. Antón Pombo propón mesmo reducir o número de concellos, moi illados entre sé en moitos casos. Relacionado con isto estaría a creación dun organismo común para tentar chegar a instancias más altas e dar visibilidade ao territorio.

Sobre o feísmo arquitectónico, un dos problemas más singulares tanto da Costa da Morte como de Galicia en xeral, Antón Castro afirmón que “existe unha disociación entre a natureza e a arquitectura. Os plans de ordenación urbanística na Costa da Morte foron cánceres, unha destrución irreversible. Hai solucións, como as intervencións artísticas, pero deben ser extensibles a todos os municipios coa colaboración entre o política e a cultura”.

Más allá da política, tamén é relevante vender o produto que temos. Damián Álvarez, habituado a viaxar por todo o mundo polo seu profesión de modelo, afirma que esta é unha das zonas más ricas e que peor actúa nivel de mercadotecnia. Nesta mesma línea, David Castiñeira destacou “a necesidade de revalorizar algúns recursos que poderían ter más proxección, como os faros”.

Novas relacionadas

Podes ver este artigo na próxima dirección /articulo/costa-da-morte/mirando-pola-terra-crear-masa-critica-sair-do-malo-sera/20200804102909121065.html


© 2021 que pasa na costa

COPYRIGHT 2019 QUE PASA NA COSTA

Banner xunta axudas copia