Sexan benvidos á miña cova mariña nestas augas atlánticas das illas Malvinas. Acábase o ano pero o ofensivo desprezo do desgoberno macrista segue activo. Aínda que non me sorprende pensei que o "espírito navideño" afrouxaría un pouco a actividade criminal que caracteriza ao indecente equipo de corrupción que presidente don Mauricio. Nas súas caras vexo a decepción e non é para menos logo de escoitar ao ministro "rostro de pedra" Aguad. Agora resulta que o ARA "San Juan" afundiuse porque o goberno anterior fixo mal a reparación e ademais agrégalle os fallos humanos. É falso que estivese mal reparado xa que o casco está intacto (non se soltaron as chapas por falta de remaches) e é falso que vostedes sexan incompetentes. Si o ministro mente e denigra a 44 membros da Armada Nacional é porque conta co beneplácito de varios millóns de cidadáns. Non se enfaden. Pídolles desculpen o que vou dicirlles pero é a verdade. A maioría de vostedes recentemente avivouse de que meteran a gamba nas furnas cando foron abandonados para ocultar o grave delito de traizón á patria. Si alá arriba o presidente segue no seu cargo é por efecto da doutrina Cornudista que os mantén sumisos e obnubilados fronte a todo o que sucede. Vostedes -non todos, claro- sófreno ao ver a familiares morfándose as truchadas informativas. Un exemplo claro de que hai algo enfermizo nos que apoian ao goberno témolo na recomendación para cambiar de sobremesa nas festas navideñas: Adeus Pan Doce! Benvidas Tortas Fritas! Tranquilos e tranquila Eliana, enseguida aclaro o tema. Un escuro diario da prensa mafiosa publicou unha nota con grandes titulares para promocionar o cambio do "pan doce" ás "tortas fritas" nas tradicionais festas. Que me estás contando? Non te queixes, papi Mauri ten a solución. Estás na lona e non podes ir á confitería? Non baixes os brazos. O bo macrista vai á cociña amasar con ritmo sen pedirlle axuda á patroa. Bueno, creo que podemos merendar para intentar repoñer enerxías logo dun ano enteiro de sufrimento ao comprobar que certos cidadáns son igualiños que os gobernantes que elixiron para gestionar o seu resentimento cara ao máis desfavorecido. Compráceme informarlles que en xaneiro andarei polo norte xa que me achegarei ao meu querido pobo de Fisterra. Fai anos que non falto á cita de Ano Novo na beira do castelo de San Carlos. Desde alí escoito perfectamente as voces dos meus familiares que brindan para ter saúde no 2019. Espero que lles guste o "kril" que cociñei antes de que chegasen. Este crustáceo é unha delicia, sexa á plancha ou fervido. O meu segredo culinario é poñerlle un chorrito de aceite de oliva. Acabo de usar o excelente "Abril" das terras lucenses de Quiroga. Mándovos unha aperta en irmandade e desexo de corazón que no próximo ano poidan saír á superficie para recibir un digno enterro.

• Manuel Suárez Suárez.

 

Máis artigos dende Lonxe de Montevideo

https://quepasanacosta.gal/sesenta-anos-despois/ ““Montemineo”” — Que pasa na costa

• O mar das Malvinas en novembro (XI):
• O mar das Malvinas en outubro (X).
• O mar das Malvinas en setembro (IX).
• O mar das Malvinas en agosto (VIII).
• O mar das Malvinas en xullo (VII).
• O mar das Malvinas no mes de xuño (VI).
• O mar das Malvinas en maio (V).
• O mar das Malvinas en abril (IV).
• O fogar mariño de Olveira Traba nas Malvinas (III).
• O mar das Malvinas (II).
• Ao norte das Malvinas (I)