Carlos Blanco trae a Camariñas o monólogo “Carlos Blanco ao Vivo (de momento)”. O 8 de outubro poderemos asistir a un espectáculo que leva colleitado un gran éxito de público tanto dentro como fora da nosa comunidade autónoma; un repaso aos mellores monólogos de toda unha década, un resumo de máis de 1.500 actuacións da traxectoria do humorista galego. Polo escenario pasarán membros da Familia Real, o electricista da Catedral ou mesmo a duquesa de Alba, ademais da improvisación de Blanco para incluir temas locais e de actualidade. A cita será o sábado 8 de outubro as 21 horas na Casa de Pedra. Dende este martes pódense adquirir as entradas na Biblioteca Municipal de Camariñas a un prezo de 5€ ata completar aforo.