O Celme Café acolle este sábado 9 de xaneiro o concerto da banda galega Acústica a partir das 0:00 Acûstica é o proxecto de ThaisSuki, Loren Tevra e Nando Llon, tres novos pero experimentados músicos da escena galega, reunidos para ofrecernos as súas persoais interpretacións acústicas de temas sobradamente coñecidos do pop rock. Nos seus concertos abordan cancións de bandas como Metallica, The Rolling Stones, Led Zeppelin, AC/DC, ou Nirvana, sen esquecer aproximaciones a artistas como Pink, Jesie J. ou K.T. Tunstall, entre moitos outros. O seu repertorio é toda unha garantía de poder escoitar, polo menos, algunha das nosas cancións favoritas de sempre. Acûstica ofrécennos unha forma diferente de volver achegarnos ás nosas cancións favoritas.