Poucas citas hai na comarca para recuperar os xogos tradicionais. Por iso, a aposta das Torres do Allo polo “Día do Xogo Tradicional”. Despois de que a Asociación Galega de Xogo Popular e Tradiciona e a Rede Brinquedia organizasen a XI Festa dos Xogos en Muimenta, Lugo, o pazo zaseiro será a capital galega coa colaboración da propia AGXPT.

A cita será o sábado 8 de xuño o “Día do Xogo Tradicional”, entre as 16:00 e as 19:00 horas. Na carballeira que dá acceso ás Torres do Allo estarán instalados numerosos postos de xogos tradicionais para que calquera persoa ou familia poida achegarse e aprenderlles aos máis pequenxs a divertirse coma se facía en tempos.

Haberá materiais e divulgar a mecánica de xogos coma os birlos, a buxaina, a mariola, as chapas, a roma, a chave, os zancos, as carrilanas, o tirapedras… e moitos máis. Toda a carballeira do camiño de entrada ao pazo será invadida polos xogos.