O Museo Man de Camelle acolle ata o 15 de agosto unha exposición cos traballos do alumnado da escola da arte de Vimianzo. A mostra recollerá os traballos dos seis anos de vida da escola na que o tema marítimo terá un apartado especial. En canto ás técnicas, haberá óleos e acrílicos, en debuxo, grafitos, acuarelables, acuarela e grabado. O horario de apertura do Museo Man de Camelle é de martes a domingo en horario de 11 a 14 horas e de 17 a 20 horas.