A música será a principal protagonista das actividades culturais que ten programadas o concello de Cee para o vindeiro mes de novembro. Así todos os sábados do mes pasarán pola casa da Cultura da vila distintos estilos musicais; dende música tradicional ata tango, pasando pola música “negra” de grandes clásicos como Aretha Franklin ou a banda. Espectáculo de Tango, formado por Piano e dúas voces con Parella de Baile. O repertorio é un percorrido polos tangos máis coñecidos e aqueles outros que non tendo acadado tal grado de difusión, resultan de obrigada cita. Unha viaxe, desde o máis profundo de Bos Aires, ó corazón do espectador. A cita é no Auditorio da Casa de Cultura este sábado 26 de novembro ás 20.15 horas con entradas a 1.5 e 2.5 euros. A función forma parte da Rede Galega de Teatros e Auditorios de Galicia. As entradas son gratuítas ou de 2,5€ para o público xeral e 1,5€ entradas bonificadas, dependendo da actuación. Novembro é un mes de tradición musical pola celebración de santa Cecilia, patroa dos músicos. Novas relacionadas

• Cee pon en marcha distintos cursos de inciación a Internet e uso dos smartphone

  Fonte

• Redacción QPC (info@quepasanacosta.com)
• Concello de Cee