Leva meses preparándoo. Da posta en escea non escapa unha soa coma, un só segundo de silencio. O Auditorio da Casa da Cultura de Cee acollerá o vindeiro doningo 19 de febreiro o novo recital poético de Manolín Oliveira, ese fenómeno da natureza, Historia viva do Fútbol da Costa, invadido pola emotividade. Será esta a súa persoal homenaxe a unha das súas referencias culturais, Rosalía de Castro, no seu 180 aniversario. Manolín fará un repaso por todas as caras de Rosalía, a máis combativa, a máis intimista, a máis namorada da súa terra. Para transmitir todo ese caudal de sentimentos, Manolín contará, como noutras ocasións, coas entidades de baile rexional da zona. Así colaborarán cos seus pasos a ACD Nerio Baile Xaldón de Corcubión, a SCD ED Breogáns de Brens, e a AC Terra de Sena de Cee.

Novas relacionadas

• Homenaxe a Manolín, Historia viva do Fútbol da Costa.
• 2013: Viki Rivadulla e Manolín demostraron a arte que ten a Costa da Morte.
• 2011: Un derroche de emoción no Recital de Manolín.

Conversas co mito

• Guillermo Parga: Manolín: “Vexo cousas no Real Madrid ou no Barcelona que xa fixera eu”.
• Guillermo Parga: “A frase, cando facía os trocos, era ‘Manolín toleou’, e case sempre gañaba”.

Fonte

• Redacción de QPC (info@quepasanacosta.com).