A Mostra de Teatro de Malpica cumpre 15 anos, e para celebralo, ademais das funcións de sala no auditorio do Centro Cívico, a Concellaría de Cultura organiza un ciclo paralelo de espectáculos en comercios e establecementos hostaleiros da vila. Realizarán un percorrido pola escena galega máis actual e divertida a través de 11 propostas escénicas moi variadas. Esta semana no Ciclo de Sala:

• 6 de decembro (20.30 h).  Magín Blanco e Teatro Ghazafelhos
  A nena e o grilo máis aló

Músicos: Magín Blanco (guitarra e voz), Cristian Legiero (teclado)
Actrices/actores: Teatro Ghazafelhos (Pepablo Patinho, Montse Piñón e Jorge Casas)
Duración: 60 minutos
Xénero: teatro musical infantil
Público preferente: Familiar e infantil,  especialmente maiores de 3 anos.

Todos os espectáculos son de balde e ao remate de cada un recolleranse as valoracións do público, que poderá puntuar cada actuación do 1 ao 5, axudando deste xeito a mellorar cada ano a programación segundo os gustos dos/as espectadores/as.