O outono entra con forza no concello de Muxía culturalmente falando. Así, durante os meses de outubro e novembro haberá citas para todos os públicos e para todos os gustos. A primeira cita é o vindeiro 8 de outubro da man de Quico Cadaval e Celso F. Sanmartín que traen o seu espectáculo “Os contos de Joselín”. Ésta é unha cita dirixida a todos os públicos e terá lugar ás 19:30 horas no salón de actos. A seguinte actividade será o 14 de outubro co encontro “Xeoparque Costa da Morte. Xeoloxía e arte: Punta da Barca” e unha actividade de pintura ao aire libre. O teatro volve o 4 de novembro coa obras “Os vellos non deben namorarse” da man de Fantoches Baj. A cita comeza ás 19:30 horas no salón de actos e está dirixida a todos os públicos. O 11 de novembro celebrarase un magosto no paseo marítimo organizado pola asociación Abaladeiras xunto co concello muxián. A programación remata o 25 de novembro con “Maxia pola Igualdade”, con Fani Triana. A función comeza ás 18:30 horas no salón de actos.

A actuación será ás 19.30 h., no Salón de Actos do Voluntariado de Muxía, e as entradas (1 €) poden retirarse no mesmo lugar dende as 19:00 h

O espectáculo

Fantoches Baj representa con marionetas a emblemática obra de Castelao no 75 aniversario da súa estrea en Bos Aires. Esta será a segunda vez que se aborda con marionetas en Galicia un clásico do noso teatro, logo daquela exitosa montaxe que sobre do Mariscal de Ramon Cabanillas acometera Kukas hai xa case vinte anos. Con ela amosouse ao publico galego que marionetas e adultos non son duas cousas incompatibles. Ademais, trátase dunha proposta que vén a cubrir o baleiro existente na actualidade de non dispor o publico galego da posibilidade de ver unha montaxe escénica, axustada as intencions do autor, de Os vellos non deben de namorarse, pois se ben é verdade que a sua montaxe é habitual en Galicia con incontables escenificacions no ámbito do teatro escolar e afeccionado, tamén o é que as ultimas montaxes do teatro profesional foron feitas hai xa máis dunha década. O deseño dos monicreques e escenografa segue punto por punto os deseños feitos por Castelao para a sua estrea, dos que existe unha abundante documentacion (deseños, fotos, partituras, máscaras e anotacions.) Un espectáculo de calidade que respecta as intencions do autor valorizando o que nos consideramos o primeiro proxecto total do teatro galego.

Duracion: 70 minutos

Fonte

• Redacción QPC (info@quepasanacosta.com)