Este venres 12 de xullo temos a oportunidade de achegarnos ao Dolmen de Dombate dun xeito diferente. Comeza a tempada de visitas guiadas nocturnas no megalito cabanés. Ángel Eiroa, Lito, conduce unha visita guiada este venres a partir das 23 horas. Este percorrido pola historia do monumento prehistórico é máis extensa que a habitual e inclúe música de fondo. Da man do guía achegámonos ás lendas e anécdotas que rodean o Dolmen de Dombate dun xeito ameno e divertido.

A actividade é gratuíta pero require a previa inscrición por teléfono (672 435 736), xa que o aforo é limitado.