Gandeiros, biólogos, veterinarios e defensores do lobo daránse cita nas Xornadas Nacionais do Lobo que terán lugar en Santa Comba os días 18 e 19 de marzo. Este evento, organizado polo concello xalleiro, contará coa presenza de Marcos Rodríguez Pantoja “el lobo solitario de Sierra Morena”; coñeceido por vivir 12 anos no seo dunha manda de lobos. As xornadas comezarán ás 11 horas do venres 18 coa proxección da película "Entre lobos" na que se conta a súa historia.  Tras o visionado, o protagonista responderá ás preguntas que lle plantexen os alumnos e alumnas dos centros educativos do municipio. As xornadas nacioniais continúan o sábado, 19 de marzo. Despois da inaguración do evento, varios relatores (entre os que se atopa como o corcubionés Francisco Lema Fuentes) falarán sobre o protocolo e o procedemento a seguir tras o ataque dun lobo a un animal de producción. As xornadas continúan cunha ponencia sobre o papel que xoga na natureza esta especie en perigo de extinción. Correrá a cargo de Luis Eusebio Fidalgo Álvarez, profesor titular de patoloxía Médica e Nutrución na facultade de Veterinaria de Lugo. A continuación, Vicente Palacios Sánchez - doutor en Bioloxía - falará sobre o sistema de comunicación entre mandas de lobos e da interpretación dos ouveos. Tras unha pausa para o café, chega o turno do documental de Chisco Lema que baixo o título "A Costa da Morte. O gran carnívoro sobrevivinte" . Esta proxección dará paso a falar sobre os lobos na comarca do Xallas e da Costa da Morte analizando así a situación actual da especie. Xavier Fernández Arias - biólogo e xerente dunha explotación ovina en Lugo - contará a súa experiencia co lobo así como dos métodos de disuasión na contorna das gandeirías. Xa pola tarde, un experto na materia da universidade de Lisboa falará sobre a situación actual do lobo no país luso. Tamén terá tempo para facer un repaso sobre os desafíos na xestión desta especie protexida.  A continuación, Alex Highland, naturalista de Fauna y Acción, falará do lobo como un recurso educativo e dinamizador do turismo. Antes da clausura oficial das xornadas nacionais do lobo, proxectarase o documental "Marcos el lobo solitario". Quedada BTT Nocturna Os amantes do deporte aproveitan as Xornadas Nacionais do Lobo para organizar unha quedada BTT noctura polas "rutas xalleira do lobo". A saída será dende o recinto feiral de Santa Comba e os interesados en participar poden obter máis información no número de teléfono 617 558 876. A participación nas Xornadas Nacionais está aberta a todo o público interesado e a entrada é de balde. O concello de Santa Comba pon a dispoción dos interesado dous números de teléfono nos que informarse: 981 818 710 e 649 191 973.

Programa

 

Novas relacionadas

• Marcos Rodríguez Pantoja, o home Entre Lobos, estará nas Xornadas Nacionais do Lobo de Santa Comba
• Unha campaña de sinaturas contra as batidas ilegais do lobo.
• O lobo paga coa súa vida a irresponsabilidade da Xunta.
• O lobo galego chega ao Parlamento Europeo.
• Asasinos de lobos? ou de lubicáns?.

Máis vídeos naturais

• O lobo, o último gran carnívoro supervivente na Costa da Morte.
• Breve etoloxía do lobo ibérico por Francisco Santiago López na Costa da Morte.
• Os Vídeos naturais de Francisco Santiago López.
• Francisco Santiago López denuncia con vídeos desfeita dos sistemas naturais costeiros.
• Denuncian a grave deforestación da Devesa do Anllares.
• De viaxe polos humidais costeiros con Francisco Santiago López.
• O Félix Rodríguez de la Fuente costeiro retrata a paisaxe do sistema do Xallas.
• Signatus Films caza o derradeiro lobo ibérico na Costa da Morte.
• A ollada de Francisco Santiago López á fauna salvaxe da Costa da Morte: O xabarín.

Fonte

• Redacción de QPC (info@quepasanacosta.com).