Nova acción formativa para o sector das redeiras. A Federación Galega de Redeiras Artesás O Peirao vén de convocar un curso de confección e mantemento de aparellos de artes menores. Un curso que se desenvolverá en Malpica do 11 ao 26 de setembro, e que capacitará ás alumnas e alumnos para a obtención do certificado de profesionalidade de redeira.

Un curso que é esencial para poder traballar como profesional e que serve para mellorando no camiño do empoderamento das mulleres do sector primario galego e na visibilización do asociacionismo como unha ferramenta para avanzar en igualdade.

As interesadas e os interesados en formarse neste módulo poden solicitar máis información nos teléfonos 677 075 223 e 691 237 370 ou no correo info@redeirasdegalicia.org. A encargada de impartir esta actividade formativa será a redeira Rosa Isabel Rodríguez Vidal e desenvolverase na caseta da Asociación de Redeiras O Fieital, no Peirao Sur, 48, en Malpica.
A reunión de coordinación do curso terá lugar o mércores, 6 de setembro, na caseta do Fieital.

Novas sobre as redeiras

• As redeiras, pioneiras en materia de prevención.
• Calafateando: Redeiras, invisibles pero imprescindibles.
• Maio 2017: As Redeiras de Corme, artistas en Cee.
• Abril 2017: As Redeiras do Peirao entregan a Medalla de Ouro ao Mérito no Traballo ao Museo do Pobo Galego.
• Outubro 2016: Un aseo, unha necesidade básica cuberta para as redeiras de Malpica.
• Abril 2016: As redeiras de Corme e Malpica especialízanse no interiorismo.
• Novembro 2016: As redeiras de Malpica xa tecen na rede.

Fonte

• Redacción de QPC (info@quepasanacosta.com).