Marta Rei e Manuel Antelo recibiron á presidenta do Terra de Soneira CD, María Esther Ameijeiras Ten tan só uns días de vida e xa conta con máis dun cento de socias e socios. O Terra de Soneira CD é unha organización nacida recentemente en Vimianzo que ten entre os seus obxectivos promover o atletismo e respaldar a todas as afeccionadas e afeccionados a este deporte da Terra de Soneira. Entre os seus socios conta con corredores e corredoras da talla de Pablo Mira, Michel Antelo, David Calzas, Cesar Vázquez, Martín Regueira, Fermín López, Paula Trillo, Vanesa Caamaño, Tamara Pose, Ana Antelo ou Fátima Gesto. Precisamente esta semana o alcalde do concello de Vimianzo, Manuel Antelo Pazos e a concelleira de Cultura, Deportes e Mocidade, Marta Rei, recibiron a María Esther Ameijeiras Oreiro, presidenta do Terra de Soneira CD. O concello de Vimianzo mostroulle o seu apoio á constitución deste clube xa que consideran que "ademais das vantaxes para os corredores e corredoras en activo pode facer un traballo de difusión de hábitos saudables e do deporte entre os cativos e os adolescentes". I Gala do Deporte Por outra bando o vindeiro día 1 de abril ás 21:00 horas terá lugar na Casa da Cultura a I Gala do Deporte do concello de Vimianzo. Neste acto recoñecerase a traxectoria de distintos deportistas soneiráns que acadaron éxitos a nivel autonómico ou estatal co gallo de poñer en valor tanto as súas traxectorias coma os hábitos deportivos e fomentar que estes deportistas se convirtan en referentes dos máis pequenos. Máis información

• Páxina de Facebook de Terra de Soneira CD

Novas relacionadas

• Cherinkas organiza unha Kronoeskalada en Vimianzo
• A carreira nocturna por parellas regresa a Carballo

Fonte

• Redacción QPC (info@quepasanacosta.com)
• Vimianzo