Axentes do Servizo de Gardacostas de Galicia, dependente da Consellería do Mar, volveron facer unha serie de operativos nas rías galegas, que deu como resultado a requisición de máis de 720 quilos de peixe e marisco e 590 aparellos de pesca, ademais de 100 metros de artes de enmalle.

A ría de Muros e Noia tamén foi escenario de diversas actuacións contra o furtivismo nas que os axentes se fixeron con máis de 310 quilos de peixe e marisco e con 190 aparellos de pesca. Na actuación máis destacada os inspectores incautaron os 190 aparellos, a maioría cacharros, e comisaron máis de 37 quilos de especies, a maioría polbo.

Ademais, na Costa da Morte os axentes realizaron diversos operativos contra a pesca ilegal. Neles fixéronse con preto de 68 quilos de especies e 82 aparellos de pesca. A actuación máis relevante foi en Camariñas, onde se incautaron de 75 nasas de ferro.

Novas relacionadas

• 27-09-16: Gardacostas decomisa máis de 1000 aparellos e 500 kg de peixe e marisco furtivo na ría de Muros e Sardiñeiro.
• 03-02-16: Comisan 1755 quilos de mexilla furtiva da Reserva Mariña dos Miñarzos.

Artigos para calafatear

• Un día especial na vida dun percebeiro.
• Calafateando: Bañistas si. Furtivos… non, grazas!!!.
• Diario dunha mariscadora.
• A veda do polbo: necesaria… pero suficiente?.

Fonte

• Consellería do Mar.