A Xunta destina máis de nove millóns de euros ó primerio tramo da autovía Costa da Morte O pasado luns, 19 de outubro, a Xunta aprobou os Orzamentos para o ano 2016 dos cales, segundo indican dende o BNG da Costa da Morte "non se coñece o investimento real que o goberno de Núñez Feijóo destina á Costa da Morte". Segundo indican os nacionalistas "só figura detallada con nomes e apelidos, a previsión de fondos para a autovía da Costa da Morte (con 9.158.993 euros), baixo a responsabilidade da “Axencia Galega de Infraestruturas”, e que son destinados ao canon a pagar a empresa en canto teña rematada a obra". Os nacionalistas critican que na ampla documentación na que a Xunta expón os orzamentos para o vindeiro ano "as referencias de investimentos para concellos da Costa da Morte practicamente non existen; polo que o Partido Popular segue a esquecer unha vez mais a comarca". Das poucas referencias que se fan, só consta un investimento de 200.000 euros para a mellora do abrigo do porto de Fisterra, indican dende o BNG. "O formato no que se presentan os orzamentos prescinde este ano de detallar a territorialización por concellos das diferentes partidas orzamentadas. Cando sempre se viña facendo con este nivel de detalle, agora a Xunta só proporciona o gasto a nivel de provincia, para a práctica totalidade dos programa e conceptos" sinalan os nacionalistas. Novas relacionadas

• O BNG reclama ao Estado dez millóns de investimentos na Costa da Morte
• A tráxica e real historia, erro tras erro, do inoperante heliporto de Salvamento da Costa da Morte
• Os 5 alcaldes costeiros do BNG comezan a rolda de xuntanzas períodicas
• Resultados das Eleccións Municipais 2015 na Costa da Morte.
• O BNG reitera no Parlamento o informe sobre o estado da ría de Cee-Corcubión
• 24-11-14: O BNG presenta 20 enmendas aos Orzamentos da Xunta para a Costa da Morte.

Fonte

• Redacción de QPC (info@quepasanacosta.com).
• BNG Costa da Morte

.