Federicos Perez Rey en Era Visto Non teremos representación os María Casares do teatro. Pero en materia audiovisual, si que estaremos ben representados nos #MestreMateo. Xa sabemos os Noemados da XVI edición dos Premios Mestre Mateo, e entre eles hai varias alusións a Costa da Morte. A nomeación máis importante é a de Federico Pérez á Mellor Interpretación masculina protagonista, polos capítulos 125-153 da xa mítica Era Visto. Federico xa foi nomeado en tres ocasións (2011, 201 e 2013) polo mesmo papel, e a serie xa ten 3 galardóns. Veremos se chega o 4º, pois o Josito mazaricán xa é un habitual de cada casa galega, e merece un bo premio xa! O propio porgrama tamén competirá pola Mellor Serie TV con outra obra con participación costeira, Hospital Real, na que participou a pequena Ana Oca na súa estrea como actriz.

Máis nominacións “costeiras”

Teremos parte tamén na nominación do filme Lobos Sucios á Mellor Longametraxe, pois boa parte foi filmada nas minas de Barilongo de Santa Comba, e na que Ricardo de Barreiro e Marian Álvarez pelexarán polos premios á Mellor Interpretación Masculina e Feminina. [fbvideo link="https://www.facebook.com/LobosSucios/videos/1327697173922895/" width="650" height="400" onlyvideo="1"]   Un pouco noso tamén podemos considerar o nomeado documental “Torre de Breoghán”, de Luar na Lubre. Tamén teremos sabor salgado entre os candidatos a mellor Programa TV, coa presencia de Náufragos, do que Xosé Henrique Rivadulla Corcón é guionista. O hercu-muxián volverá o ano que vén coa nova aventura ”Ribeiras de Salitre”, que xa fixo parada en Laxe, para coñecer ao  "Panchito", e que tamén pararán en Fisterra co "Bonito", "Laberco", "Begoña" e o naufraxio de Agustín Traba na lancha "María"; por Malpica arredor do "Nuevo Luz", e por Muros con "Cizurquil". Os gañadores daranse a coñecer na gala que terá lugar no Pazo da Ópera da Coruña o próximo 23 de abril. Mágoa que alí non veremos a todos os costeiros que presentaron as súas obras. Non imos ver ver ao esteirán Víctor Fábregas, ao carnotán Miguel de Lira, ao ceense Artur Trillo, á corcubionesa Marta Doviro, o hercu-muxián Xosé H. Rivadulla Corcubión, ao cormelán Víctor Mosqueira e ao malpicán Santi Romay de Casa Manola, na que tamén vai Isabel Blanco pola Interpretación Feminina Protagonista.

Os favoritos

O filme “O Descoñecido” ten 15 nominacións, por 14 de Lobos Sucios, e os 11 de Hospital Real.

Novas relacionadas

• Unha manchea de artistas da Costa da Morte nas pre candidaturas aos Premios #MaríaCasares e #MestreMateo.
• María Casares 2015: Xurxo Borrazás celebrou o Día do Teatro nos Premios María Casares.
• MaríaCasares 2014: Os MaríaCasares convertíronse nun furancho por Pico.
• María Casares 2013: Os mellores actores de Galicia son da Costa.
• María Casares 2012: Talía Teatro e Vicente de Souza traen dous novos premios á Costa duns María Casares máis reivindicativos ca nunca.

Máis novas audiovisuaus

• As minas de Barilongo de Santa Comba, un escenario de película.
• Ana Oca estréase como actriz en Hospital Real.
• Dous costeiros no Hospital televisivo de Urxencia Cero.

Fonte

• Redacción de QPC (info@quepasanacosta.com).