A Agrupación Provincial Socialista cumpriu a súa promesa e vén de ratificar a expulsión oficial do grupo do edil coristanqués Abraham Gerpe, solicitando así o seu paso ao grupo dos non adscritos. O PSdG provincial presentou o escrito no Concello, comunicando que Gerpe incumpre as directrices tomadas tanto a nivel provincial como local que o instan a retirar a moción de censura que presentou xunto ao PP.

”Ante a negativa do Concelleiro a retirar a moción, a única opción que nos deixa é a súa expulsión do partido”, explican dende a Provincial socialista. “Esperamos, polo tanto, que non vaia adiante a moción de censura”, sinalan, tendo en conta que con esta expulsión entra en funcionamento a Lei antitransfuguismo, mediante a cal se necesitaría un voto máis para facer viable a moción de censura.

"Xa me estou enteirando pola prensa"

O propio protagonista vén de enteirarse pola prensa da súa expulsión. "Non sei onde enviaron esa carta, pero a min non me notificaron nada. Non me avisaron nin por teléfono, correo ou whastapp, e a carta pode que chegue pero dende logo non chegou antes de presentar o escrito no concello. En todo caso, expulsáronme dun sitio ao que non pertenzo".

"É sorprendente que me expulsen a min e non expulsen a Aurelio Sánchez", en relación ao Secretario municipal que "foi o gran promotor da moción, o que foi o abandeirado do si e se transformou no abandeirado do non, o que tivo as reunións co PP, o que se movíu polos papeis da moción..."

"Sorpréndeme que o partido non respecte a idea da militancia local. Eu seguirei facendo o que diga a militancia. Terase que reunir a militancia local e darme un argumento válido para quitala. Agora o meu voto non serve para nada, pero teño que escoitar á militancia local".

Novas relacionadas

• 22-08-17: TeGa arremete contra PP e PSOE no marco da moción de Coristanco.
• 11-08-17: O PSdG Provincial dá marcha atrás á moción de censura de Coristanco.
• 08-08-17: PSOE e PP presentan unha moción de censura en Coristanco.
• Agosto 2017: O Concello de Coristanco saneou en 2 anos os 3 millóns de euros de débeda municipal do anterior goberno do PP.
• Xullo 2017: O BNG de Coristanco lamenta “un goberno sen proxecto nin iniciativas” tras un pleno de 15 minutos.
• 22-06-17: O suposto suborno do PP a unha edil de TeGa tensa máis a corda da política coristanquesa.
• 22-06-17: Lavandeira califica de traizón a marcha de Verónica Facal de TEGA.
• 21-06-17: Verónica Facal deixa só ao alcalde á fronte de TeGa de Coristanco
• Febreiro 2017: O BNG sae do goberno de Coristanco e deixa só ao alcalde.
• Febreiro 2017: Os veciños volven quedar sen palabra no pleno de Coristanco.
• Novembro 2016: O PSOE de Coristanco apoia unha moción da revisión do IBI presentada polo PP.
• Xuño 2016: O BNG de Coristanco critica a falsa xenerosidade do edil do PSdG
• Xuño 2016: O edil do PSOE de Coristanco renuncia á súa dedicación.
• Abril 2015: Gerpe, o alcaldable máis novo do PSdG en toda a provincia.
• Xuño 2015: PSOE e BNG apoiarán a investidura a Amancio Lavandeira como novo alcalde de Coristanco.

Fonte

• Redacción de QPC (info@quepasanacosta.com).