Dúas apracibles velliñas xogando ó parchís. - ¡Catro! Un, dous, tres, catro... ficha comida e para casa! - Pero que fas, se estabas nesta casilla. - Diso nada, estaba na anterior. - ¡Isabel, que estou segura! - Tamén estou eu. ¡Mira que tes mal perder, Mari Carmen! - Mal perder ti, Isabeliña, que fas máis trampas que O Pataqueiro. - Oes ti, coidado co que dis, que eu non fixen trampas na vida. Eres ti a que por levar o céntimo... - O céntimo o podes meter sabes onde... - María Isabel, non me fales así que eu non che faltei. - ¿E non me acabas de chamar tramposa? - Porque sempre queres gañar como sexa. - Non, non...Eu xogo con Elvira e non teño problemas, xogo con Cristina e non teño problemas, xogo con Maruxa... - Non tes problemas porque a xente tenche medo , pero eu canseime xa de consentir os teus caprichos. - ¡Os caprichos, di a señorita! Pero se eres ti a máis caprichosa do mundo, que ben saben todos en Arou que tivéronche que facer tres veces a lápida do teu Enrique porque non che valía a letra. - ¡Non foi pola letra! Nunha, trabucáronse no ano de nacemento, e noutra... - E que máis terá o ano de nacemento. - Terache a ti o mesmo, como ninguén sabe que anos tes... - Setenta e sete, e ben levados por se che amola. - Se a te-la cara como unha pasa e a cabeza como unha chota chámaslle ben levados... - ¡Falou a raiña da beleza! Que se teu pai non tivese as leiras en Lazo quedabas para vestir santos. - Claro, eu non daba a probar a mercancía a tódolos homes, como outras. - ¡Serás castrona! Sempre me tiveches envexa; sabe Deus o que andarías a dicir de min por ahí. - ¿Eu? Dicíao todo o pobo, que nunca cho contei pero antes de que casaras co Tucho chamábante "A Leonora" porque, como a tenda de Leonora, sempre estabas aberta. - Pendón si que fuches ti, víbora, o que pasa e que ninguén che quería do monstro que eras. - ¡Ai señor, que vaime dar algo! Nunca pensei que foras tan mala, Isabel. - A que empezou fuches ti co das trampas, agora non veñas de santiña. - Pois xa que estamos, que saibas que a teu home o viron unha noite no monte con Eulalia do Trollo. - ¡Mala pécora! Que o teu estaba sempre tan borracho que con quen ía andar, se non se aguantaba de pe. - Non che consinto que fales así de Enrique, que en gloria esté. - Na gloria estará, muller, que fuxir da túa compaña xa é estar na gloria. - ¡Deus, que resentida! Non quero seguir falando. Vou para casa. - Pois veña. - ¡Ala! Para casa a ficha e sales ti gañando. - Entón agora conto vinte: unha, dúas, tres...

• Ángel M. Moar (ammmoar[arroba]quepasanacosta.gal)

Relatos anteriores

• Hoxe: A porta (Camariñas, 1.944).
• Hoxe: A pequena (Frixe, 1.908):
• Hoxe: No fondo (Suarriba, 1.955).
• Hoxe: Un neno carbón (Corcubión, 1.926).
• Hoxe: Dúas irmás (Malpica, 1.951).
• Hoxe: A caixa (Berdoias, 1.957).
• Hoxe: A radio (Corcubión, 1.953).
• Hoxe: Sambaxada (Cee, 1.976).
• Hoxe: Tres días (Muxía, 1.949).
• Hoxe: O baile dos vampiros (Corcubión, 1.992) .
• Hoxe: Touliña (Camelle, 1.948).
• Hoxe: Un diaño por Fisterra (Fisterra, 1.913).
• Hoxe: O Regalo: (Corme, 1.945) .
• Hoxe: Ego te absolvo (Carballo, 1.975) .
• Hoxe: Tuno de Oficio (Santiago de Compostela, 1.982).
• Hoxe: Regateo (Moraime, 1.950).
• Hoxe: O Macao (Baio, 1.988).
• Hoxe: Na Escola (Cabana, 1.971) .
• Hoxe: O último desfile de San Cristóbal: (Corcubión, 1.989).
• Hoxe: O álbum (Fisterra, 1.932).
• Hoxe: Xenerosidade e entrega (A Coruña, 1.994).
• Hoxe: O mozo de onte (Cee, 1.936).
• Hoxe: coMISIÓN SUICIDA (Corcubión, 1.972).
• Hoxe: A espera (Agualada, 1.981).
• Hoxe: Vertixinoso (Carballo, 1.974).
• Hoxe: Afogo (Laxe, 1.967) .
• Hoxe: A frecha (Corcubión, 1.969).
• Hoxe: Gloria (Ponteceso, 1.937).
• Hoxe: Un día de furia (Cee, 1.990).
• Hoxe: O Sabio (Lira, 1.978).
• Hoxe: Propulsión (Cee, 1.998).
• Hoxe: A decisión (A Coruña, 1.901).
• Hoxe: Desencontros na primeira fase (Muxía-Fisterra, 1.973) .
• Hoxe: O poeta II (Redonda, 1.980).
• Hoxe: A voz (Carballo, 1.995).
• Hoxe: O poeta I (Redonda, 1.941).
• Hoxe: Encaixe (Camariñas, 1.999).
• Hoxe: Sen perdón (Baio, 1.996).
• Hoxe: Unha foto (Ponte de Porto, 1.934).
• Hoxe: Sindo o bebedor (Cee, 1.983) .
• Hoxe: O monstro de Quilmas (Quilmas, 1.930).
• Hoxe: A burla (Laxe, 1.960).
• Hoxe: A illa do tesouro (Ézaro, 1.958).
• Hoxe: Carioca (Corcubión, 1.993).

Fonte

• Redacción de QPC ( info@quepasanacosta.galEste enderezo de correo-e está protexido contra spam bots, necesitas ter o Javascript activado para podelo ver ).