Pouco cambiou a situación arredor da moción de censura dende a semana. O PSdG Provincial instaba a anulala á comitiva local, pero segundo o propio candidato á alcaldía, o único edil socialista do pleno Abraham Gerpe, recoñece que a cousa está na mesma situación. “Terá que decidir a militancia local, que foron os que mandaron facela”, indica Gerpe.

Mentres, o actual alcalde, Amancio Lavandeira, daba unha rolda de prensa esta mañá de luns 21 de agosto, compañado polo Secretario da Mesa Nacional de TeGa, Guillermo Sánchez, o voceiro de Vimianzo Roque Lema, que tivo un caso semellante, e que mesmo foi expulsado do PSOE; e Manuel Andrade, o Secretario Comarcal do partido. Deron o punto de vista do partido da situación sobre a actitude dos dous partidos protagonistas da moción (PSdG e PP).

Deron explicacións das “falsas acusacións” que botan os dous partidos como argumentos para a moción. Pero valoran que ”isto non obedece a intereses xerais, e a verdade non creo que a verdadeira motivación desta moción saia á luz pública”. En todo caso, critican por enriba de todo “o silencio do PP, para min sería escandaloso que sigan sen dicir nada. Como explican ante a súa militancia o interese de que 6 concelleiros do PP entreguen a alcaldía a un só edil do PSOE?”, pregúntase Lavandeira, que destaca que “a moción se fixo de costas á organización do PP, que se enteirou da moción pola prensa”.

Con respecto ao PSOE, TEGA pregúntase “que significa ser abandeirado contra a corrupción como se califica o PSOE, apoiando un investigado con Pensado Plágaro”. E lembrou “o Auto dictado polo Xulgado de Instrucción Núm. 1 de Carballo no que se mantén a imputación do exalcalde Antonio Pensado Plágaro e os 3 Administradores dunha empresa do Concello polos presuntos delitos de prevaricación, tráfico de influencias, fraude e falsedade documental”.

O propio alcalde recoñecía que apenas “uns minutos antes da rolda de prensa chamáronme da Provincial do PSdG e me garanten que van instar a Abraham Gerpe a que retire a moción. Do contrario emitirán un novo comunicado, deixándoo fóra do PSdG”, e facendo así imposible a moción, tendo en conta a nova lei de partidos. Por iso espera que os dous partidos saian desta “situación de enrocamento e que rectifiquen a tempo”.

”Incongruencias e falsos argumentos”

Critican que a oposición argumente a “situación de parálise e desgoberno” de Coristanco, considerando que é unha aprezación falsa, mentres saca peito polos datos económicos municipais. Asimesmo contabilizan en 70.000€ as subvencións que puido ter perdido este goberno, e non o millón de euros que si a oposición.

Tega tamén considera falsa a acusación de “autoritarismo” do alcalde, sinaalndo que “as portas están abertas a todos os veciños.

Novas relacionadas

• 11-08-17: O PSdG Provincial dá marcha atrás á moción de censura de Coristanco.
• 08-08-17: PSOE e PP presentan unha moción de censura en Coristanco.
• Agosto 2017: O Concello de Coristanco saneou en 2 anos os 3 millóns de euros de débeda municipal do anterior goberno do PP.
• Xullo 2017: O BNG de Coristanco lamenta “un goberno sen proxecto nin iniciativas” tras un pleno de 15 minutos.
• 22-06-17: O suposto suborno do PP a unha edil de TeGa tensa máis a corda da política coristanquesa.
• 22-06-17: Lavandeira califica de traizón a marcha de Verónica Facal de TEGA.
• 21-06-17: Verónica Facal deixa só ao alcalde á fronte de TeGa de Coristanco
• Febreiro 2017: O BNG sae do goberno de Coristanco e deixa só ao alcalde.
• Febreiro 2017: Os veciños volven quedar sen palabra no pleno de Coristanco.
• Novembro 2016: O PSOE de Coristanco apoia unha moción da revisión do IBI presentada polo PP.
• Xuño 2016: O BNG de Coristanco critica a falsa xenerosidade do edil do PSdG
• Xuño 2016: O edil do PSOE de Coristanco renuncia á súa dedicación.
• Abril 2015: Gerpe, o alcaldable máis novo do PSdG en toda a provincia.
• Xuño 2015: PSOE e BNG apoiarán a investidura a Amancio Lavandeira como novo alcalde de Coristanco.

Fonte

• Redacción de QPC (info@quepasanacosta.com).