Un novo detido en Carballo pola súa suposta implicación en varios roubos ocorridos en Muros e Santa Comba o pasado día 8 de abril. A Garda Civil de Carballo detíñao nesta mañá de martes 18 de abril. Os propietarios denunciaron no mesmo día un modus operandi semellante nos 5 roubos, rompendo as portas dos turismos para posteriormente subtraer diferentes obxectos do interior. Debido ás investigacións practicadas pola Garda Civil púidose identificar e localizar ao autor dos roubos; realizada unha inspección nun vehículo da súa propiedade achouse na súa interior multitude de obxectos que coincidían cos subtraídos e que foron recoñecidos posteriormente polos lexítimos propietarios. Por este motivo procédese á detención deste varón, ao que se lle imputa a comisión de cinco delitos de roubo con forza, dando conta das dilixencias practicadas ao Xulgado de Instrución de Garda de Carballo

Novas relacionadas

• Decembro 2016: Detido en Cee por 3 delitos tras intentar fuxir dun control de Tráfico.
• Artigo de Rosaura Romo: Máis alá do delito.

Fonte

• Garda Civil.