Que marabilla escoitar falar a Mariña Lema. Esta mestra cabanesa, despois de 2 anos en Laxe, cambiou a súa realidade lingüística pola do CEIP Sagrada Familia, na Coruña. Alí comprobou que a rapazada non estaba creando un galego de seu, que estaba sufrindo un déficit. E para iso creou a Vitamina G, un proxecto xa premiado, que está revolucionando a relación das crianzas herculinas coa nosa lingua.
No marco do Lx15, a campaña de charlas da Coordinadora de Servizos de Normalización Lingüística do país, Mariña ofrece esta charla espectacular sobre o seu proxecto, tomando como exemplos ás pequenas Emma e Lauren.