Ademais dos certames que están realizando diferentes concellos a través da rede, son os Coles os que puideron manter vivo o entroido neste singular 2021. Así que xuntamos algunhas das iniciativas máis divertidas dos nosos centros de ensino.
Cómpre destacar o traballo que fixo a familia do CEIP Otero Pedraio da Laracha, que veñen de facer este lip-dup de case 10 minutos!! Impresionante.
De Brens a Ourense
O Manuela Rial peregrinando polo mundo
Dentro do que permiten os protocolos en nun estricto respecto ás normas hixiénico- sanitarias, tamén o alumnado de Infantil e Primaria do CPR Plurilingüe “Manuela Rial Mouzo” puido manter viva a faísca do Antroido. Non houbo – a seguridade debe primar neste momento- o tradicional festival con actuacións aberto ás familias no Salón de Actos, nin tampouco a degustación de pratos típicos do Antroido, mais a rapazada non deixou de desfrutar co desfile e con xogos.
Por un día, mais ben por unha tarde de venres, o CPR Plurilingüe “Manuela Rial Mouzo” transformouse nun CAMPUS STELLAE – en homenaxe a Compostela e ao Ano Santo Xacobeo- a onde chegaron debidamente ataviados peregrinos de todas as partes do Mundo: da Península Ibérica mais tamén de México, Francia, Italia, Escocia, India, Etiopía, China,…
Xa que logo, os cativos e cativas espantaron a Covid nestes tempos de pandemia, enchendo de colorido e ledicia o patio do CPR Plurilingüe “Manuela Rial Mouzo.”
Nosa Señora do Carme
No colexio Nsa Sra do Carmen de Fisterra, celebrouse o Carnaval para non perdela tradición.
