Nova xornada As setas da Laracha para iniciar aos participantes na micoloxía e animalos a coñecer este mundo da micoloxia.

A undécima edición deste evento celebrarase o sábado 16 de novembro, o que pon de manifesto o interese que esperta entre a veciñanza larachesa e tamén en persoas doutros municipios próximos.

Do mesmo xeito que en anteriores ocasións, a xornada principiará ás 10:00 horas coa reunión das persoas participantes na área recreativa de Gabenlle. A continuación realizarase unha saída guiada ao monte para proceder á recollida dos cogomelos. Ás 12:30 h regresarase á área recreativa para realizar un obradoiro de identificación e clasificación dos diferentes tipos de setas empregando os exemplares recollidos polas persoas participantes. Farase da man de Raquel Poncini e de Pablo Cuadrado.

O prazo de inscrición en As setas da Laracha abre hoxe luns. Apuntarse é gratuíto e debe facerse chamando ao 981604324 ou enviando un correo electrónico a [email protected].