Xoves. 22.04.2021
El tiempo

Avanza o proxecto de ampliación do polígono da Laracha

n marcha a construción dunha marquesiña no acceso ao Centro Comunitario de Caión
Centro Comunitario de Caion
O Centro Comunitario de Caión vai collendo forma
Avanza o proxecto de ampliación do polígono da Laracha

O pasado venres, alcalde da Laracha, José Manuel López Varela, mantivo unha reunión coa xerente de Suelo Empresarial del Atlántico SEA, Beatriz Sestayo, para avanzar nas xestións encamiñadas á ampliación do polígono de Lendo. Un parque empresarial que alcanza unha ocupación próxima ao 75%, gracias ás vendas de parcelas a empresas como Inditex, Galitráns, Esmorís e Fillos, Hidroeléctrica de Laracha, Unifersa, Uniter, Desguaces Recarey e Cardemad.

Reunión A Laracha 1 05032021

A ampliación desenvolveríase cara á zona norte e supoñería mellóraa da oferta empresarial nun espazo cunha ubicación estratéxica na provincia da Coruña e que experimentou un crecente interese nos últimos anos.

Ademais, está a piques de finalizar a tramitación da modificación do proxecto sectorial, que permite aumentar as alturas permitidas nas edificaciones e suprimir o límite de superficie máxima de 600 metros en distintas áreas, entre outras medidas, para facer o polígono “máis permeable ao establecemento de distintas industrias”, subliñou Sestayo.

Nova marquesiña en Caión

Mentres, comezaron as obras de construción dunha marquesiña no Centro Comunitario de Caión, para que os [email protected] poidan esperar o bus sen mollarse. O novo elemento será de baixa estatura para evitar que tape a entrada da luz natural e as vistas ao mar no primeiro andar do inmoble.
O proxecto tamén contempla a creación dun percorrido adaptado polo exterior do edificio poder acceder a esta zona desde a beirarrúa. A actuación suporá un investimento próximo aos 48.000 euros a financiar integramente con fondos propios municipais.

O centro comunitario “Costa da Morte”, recentemente erguido, será unha instalación de referencia en Caión e reforzará a cobertura en infraestruturas públicas da vila, abrindo novas posibilidades para ofrecer servizos, programas e iniciativas de interese xeral. O deseño do singular edificio está vinculado á historia de Caión ao presentar unha forma exterior curva que recorda ao lombo das baleas, especie que se cazou no porto durante os séculos XVI e XVII. O inmoble será plenamente multidisciplinar ao contar con oficinas administrativas –a unha delas serán trasladadas as dependencias da Confraría de Pescadores-, aulas polivalentes, auditorio e espazos de exposicións. A súa superficie total, incluíndo zonas comúns, aseos e almacéns, alcanza os 882,60 metros cadrados. O proxecto tivo un orzamento de 1,2 millóns de euros.
Ademais, o Concello investiu outros 35.000 euros en amoblar todas as estancias e na dotación do equipamento audiovisual do auditorio. As actuacións estanse a facer de xeito simultáneo á creación da marquesiña para poder dispoñer do novo edificio plenamente funcional á maior brevidade.

Centro Comunitario Caión

comentarios