Xoves. 06.08.2020
El tiempo

Dous feridos nun accidente múltiple na Laracha

Dous feridos nun accidente múltiple na Laracha

Un accidente múltiple no concello da Laracha, con tres turismos implicados, saldouse onte pola tarde con dúas persoas feridas. O sinistro ocorreu sobre as 17:00 horas, cando os vehículos virculaban pola  AC-552, recta coñecida como de San Román. Un particular foi o encargado de chamar ao 112 Galicia para pedir axuda. Este aseguraba, ademais, que había unha muller atrapada no interior dun dos turismos.

Así, decontado, desde o 112 Galicia ademais de informar ao Servizo de Urxencias Sanitarias de Galicia-061, solicitou a colaboración dos Bombeiros de Carballo, que axiña se desprazaron ao punto. Do mesmo xeito, foron informados os axentes de Tráfico, da Policía Local e os efectivos de Protección Civil. Unha vez no lugar, os servizos de emerxencias alí desprazados descartaron o uso do material de excarceración, a muller non estaba atrapada polos ferros senón que as portas do vehículo non abrían. Finalmente, os xestores do 112 puideron confirmar que, tras contactar coa implicada, ela mesma conseguira saír do vehículo polo parte do condutor do vehículo.

Os axentes da Policía Local confirmaron o traslado dun dos feridos polo persoal sanitario e a outra persoa que resultou ferida desprazouse polos seus propios medios ata un centro hospitalario. Tamén foi precisa a intervención do persoal do servizo de mantemento da estrada, que se encargou da limpeza da vía.

comentarios