Riobó regresou este pasado serán do sábado ao medievo grazas á celebración da XIV Tarde Noite no Medievo, na que maxia, música e diversos espectáculos foron os responsables de que esta singular aldea cabanesa tivera ocasión de voltar durante unhas horas á Idade Media.

A aldesa cabanesa, fantástica engalanada pola veciñanza, a auténtica alma da festa, dase de marabilla para un evento histórico-festivo coma este.

O momento culme da xornada chegou coas tradicionais prevodas medievais, sendo catro as parellas que contraeron nupcias este ano.

Ademais, o talento cabanés tivo o seu oco, como é habitual neste evento, coa actuación de numerosas agrupacións locais e co pregón do acordeonista Eloy Mato.

A música da Banda da Balbina e de Festicultores Troupe foi a responsable de animar o fin de festa, despois de papar os 300kg de carne á grella e os 900 litros de cervexa que tiñan preparada.