Mércores. 18.05.2022
El tiempo

Íntegro afonda nunha real inclusión social cun curso de Limpeza para persoas con diversidade funcional

Curso Limpeza Integro
Íntegro afonda nunha real inclusión social cun curso de Limpeza para persoas con diversidade funcional

A verdadeira inclusión das persoas con diversidade funcional faise a través da formación para o emprego. E aí está Íntegro traballando arreo para conseguilo.

Un total de 7 persoas con diversidade e/ou situación de desemprego comezaron xa o curso de limpeza de superficies e mobiliario de edificios e locais nas instalacións de Íntegro en Nantón (Cabana), a través do Centro Especial de Emprego Máis Porvir Xestión Social S.L.U..

Un curso que se prolongará ata o vindeiro 12 de maio, e que serve de inmellorable oportunidade formativa para conseguir unha profesión digna e necesaria.

Formacion en Integro Curso Limpeza

Consta dunha formación teórica específica en materia de limpeza (160 horas), ademais das correspondentes sesións prácticas en empresas (124horas), coas que completarán o período de aprendizaxe (284 horas). Unha vez rematado o curso, levarase a cabo un programa transversal para prestar apoio individualizado na busca activa de emprego co obxectivo de promover a inclusión laboral real dos alumnos e alumnas.

Trátase dunha acción formativa adaptada, incluída na convocatoria de axudas económicas de selección de operacións para o reforzo da empregabilidade de persoas con discapacidade “UNO a UNO” da Fundación ONCE, co-financiada polo Fondo Social Europeo (FSE), no marco do Programa Operativo POISES 2014-2020.

comentarios