O pasado venres, 10 de outubro presentaron publicamente as ANPAs da Costa da Morte e a deputación da Coruña, as xornadas “Aprender a Educar”, organizada pola AS-PG. Unhas xornadas enfocadas a pais e nais da volta con gañas de aprender.
I é que a familia xoga un papel fundamental no desenvolvemento das persoas porque é no seo familiar onde se realizan as primeiras aprendizaxes básicas e segue a ser, durante a infancia e adolescencia, un marco referencial de aprendizaxe da convivencia, de normas de conduta, de educación de sentimentos, etc. A colaboración estreita das familias e a escola é fundamental para garantir unha formación integral de rapazas e rapaces.

Pasará por varias vilas a proposta, que costa de dúas charlas: “A presenza dos menores na rede”, impartida por Jorge Castro Ruso, autor da páxina web “Menores en rede” e traballador das Bibliotecas Municipais da Coruña; e “A familia como contexto socializador”, cuia relatora será Mª Luísa Abad, orientadora e autora de numerosas publicacións sobre temas de igualdade.
A cronoloxía e contido das xornadas é o seguinte:

• A Laracha: Casa da Cultura. Rúa Rosalía de Castro s/n.
  - A presenza dos menores na rede. Venres, 17 de outubro.
  - A familia como contexto socializador. Venres, 31 de outubroHora de comezo 20:00h.
• Carballo: Forum. Praza dos bombeiros voluntarios. Hora de comezo: 20:30 h.
  - A presenza dos menores na rede. Venres, 14 de novembro.
  - A familia como contexto socializador. Venres, 21 de novembro.
• Corcubión: Casa da Cultura. Rúa Médico Vicente Fraguela, 14. Hora de comezo: 20:00 h.
  - A familia como contexto socializador.Venres, 14 de novembro.
  - A presenza dos menores na rede. Venres, 21 de novembro.
• Cabana: auditorio municipal, A Carballa 17-Cesullas.
  - A presenza dos menores na rede. Mércores, 29 de outubro.
• Laxe: CPI Cabo da Area. Rúa Isidro Parga Pondal, 45. Hora de comezo: 19:30 h. .
  - A familia como contexto socializador .Venres, 7 de novembro.

Novas sobre a loita contra a LOMCE

• A Fedanpa empeza o curso #LOMCE en clave de loita.
• O grupo de 4º de Primaria que non tiña titor.
• O IES Pedra da Aguia critica o recorte de mestres no comezo do primeiro curso LOMCE.
• Parches en 16 centros educativos da bisbarra.
• A Xunta anuncia que manterá aberta a Escola de Carnés.
• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.

Fonte

• Redacción de QPC ([email protected]).