Mércores. 30.11.2022
El tiempo

COGAMI busca alumnado con diversidade para un curso de actividades administrativas que se desenvolve Íntegro

Formacion en Integro Curso Limpeza
Unha sesión formativa en Íntegro
COGAMI busca alumnado con diversidade para un curso de actividades administrativas que se desenvolve Íntegro

As persoas maiores de idade, que teñan certificado de discapacidade ou unha incapacidade laboral para a profesión habitual, poden reservar praza no curso que a Confederación Galega de Persoas con Discapacidade (COGAMI) vai iniciar nas instalacións que ten en Nantón a asociación Íntegro, unha das cincuenta e cinco entidades membro de COGAMI.

O curso é de Actividades administrativas na relación co cliente e contará con 818 horas lectivas das que 120 serán para realizar prácticas en empresas da zona. Esta formación, totalmente gratuíta, iniciará o 11 de novembro e impartirase en horario de 9 a 14 horas. A data de finalización será a mediados do mes de xullo.

As persoas interesadas obterán un certificado de acreditación nivel 2 e, como requisito de acceso, aparte do certificado de discapacidade sería cumprir estes outros: Graduado en Educación Secundaria Obrigatoria; certificado de profesionalidade de nivel 2; certificado de profesionalidade de nivel 1 da mesma familia e área profesional; cumprir o requisito académico de acceso aos ciclos formativos de grao medio ou ben haber superado as correspondentes probas de acceso reguladas polas administracións educativas.

comentarios