Mércores. 21.02.2024
El tiempo

As mulleres de Cabana fanse ver por 25N

Cabana - 25N
As mulleres de Cabana fanse ver por 25N
Fermosos e emotivos os eventos que lle quedan a Cabana nos últimos anos co gallo do 25N. Baixo o título ‘A visibilidade da muller: As Mulleres da Nosa Vida’, celebrouse na Casa do Pendón un acto no que se conmemorou a través de diversas actividades culturais o Día Mundial da Eliminación da Violencia contra a Muller.

Diversas agrupacións locais e varias persoeiras do eido cultural como  persoeiros culturais sumaron as súas voces para reivindicar a loita contra a violencia machista, unha das principais lastras da nosa sociedade.

Cabana - 25N 2

A xornada deu comezo co espectáculo de danza ‘Miña Xoia’, por conta de Clara Ferrao. A continuación, Silvia Losada deu a benvida protocolaria a todos os participantes e o grupo cabanés Son de Cabana, levou a cabo unha interpretación musical coa que fixeron unha lembranza a todas aquelas devanceiras que deixaron pegada nas súas vidas.

A continuación, a poeta cabanesa Matilde Vilariño recitou a súa composición titulada ‘No día da muller’, e acto seguido a o alumnado da escola municipal de teatro levou a cabo a interpretación dunha obra reivindicativa a prol da igualdade.

As intervencións orais e musicais de Icía do Manso e Irma Macías, xunto coa interpretación poética de Rosalía Fernández Rial puxéronlle o broche a unha xornada que se despediu coa actuación musical de membros da Asociación Íntegro.

Irma Macias Cabana - 25N 3
Irma Macías

Máis novas do 25N

Comentarios