Venres. 30.09.2022
El tiempo

A AC-552 contará en breve cunha nova senda peonil ao seu paso por Nantón

A Xunta de Galicia informa de que os traballos comezarán nas vindeiras semanas
A Xunta de Galicia informa de que os traballos comezarán nas vindeiras semanas
A AC-552 contará en breve cunha nova senda peonil ao seu paso por Nantón

A estrada comarcal AC-552 contará en breve cunha nova senda peonil que dará servizo aos veciños e veciñas dos núcleos de Cazón, Camafreita e Denellón, da parroquia de Nantón pertencente ao Concello de Cabana de Bergantiños. As obras foron adxudicadas á empresa Excavaciones Pose, S.L., por un importe de preto de 50.000 euros e, segundo informa a Xunta de Galicia, comezarán nas vindeiras semanas.

Con esta actuación executarase unha senda de uso fundamentalmente peonil na marxe esquerda da estrada AC-552, entre os puntos quilométricos 48,120 e o 48,405, que dará servizo tamén aos operarios do centro de control da AG-55 xa que nesta zona está situado o centro de control da autovía.

Mediante esta intervención tamén se conectarán as vivendas que están paralelas á AC-552, onde actualmente os peóns circulan pola beiravía ao non dispor de sendas na marxe da estrada. O novo itinerario terá preto de 300 metros de lonxitude cunha anchura media de 1,80 metros. Será de base de saburra artificial, de 10 centímetros de espesor, que servirá de soporte ao pavimento da senda, e de cor terrizo natural. Na actuación, entre o punto 48,200 e o 48,276 a cota da senda será inferior á da estrada para adaptarse ás entradas existentes.

Para a drenaxe da senda, disporase un colector, que conectará coa rede de drenaxe existente e ao que desaugarán unha serie de sumidoiros dispostos ao longo da traza do itinerario. Tamén se executarán pozos de rexistro. O departamento que dirixe Ethel Vázquez continúa mellorando a rede viaria autonómica para favorecer os desprazamentos a pé de modo máis cómodo e seguro.

comentarios