A través da interesante web historiadegalicia.gal e do blog valfluvialdolouridocorcoesto.com, recuperamos esta historia triste e real contada pola xente do Petón do Lobo. A historia dun abandono, dun abandono da morte, dos nosos mortos.

Segue España con moito medo de escarvar nas súas feridas, e os cemiterios civís da II República son un exemplo. O Cemiterio Civil da parroquia cabanesa de Corcoesto, situado no lugar do Cortiño así o exemplifica.

Foi construído a medidados dos anos 30 precisamente para garantir a liberdade relixiosa da veciñanza (disque o movemento da masonería medraba na zona), e debida á falta de espazo no cemiterio da igrexa parroquial naqueles tempos. Tivo que ser ubicado nun lugar alonxado dos núcleos poboacionais por non poder garantir as condicións de hixiene e salubridade necesarias.

Hoxendía permanece afogado por un monte de piñeiros. O muro exterior dá conta da inmensidade do lugar, pero apenas se pode un adentrar para debullar a nosa historia. Así, non parece sinxelo que se poida incluir nunha hipotética ruta do necroturismo costeiro.

Novas relacionadas

• Pola recuperación do cromlech do Monte Neme.
• Serie O Modesto Patrimonio.
• Costa da Morte, marco perfecto para o Necroturismo.
• A aldea de Borneiro, compendio da Historia galega. Por Felipe Senén.
• Casas Vellas, a eterna historia do desfalco co patrimonio de Galicia.
• Nace unha web sobre o patrimonio e a historia de Galicia.
• Rozadas que descobren patrimonio.

Fonte

• Historiadegalicia.gal.
• valfluvialdolouridocorcoesto.com.