Mércores. 18.05.2022
El tiempo

Unha persoa tivo que ser trasladada por queimaduras tras un incendio nunha vivenda de Cesullas

Incendio en Cabana
Unha persoa tivo que ser trasladada por queimaduras tras un incendio nunha vivenda de Cesullas

Esta pasada madrugada, arredor das 3:30h, os Bombeiros de Carballo e o GES de Ponteveso tiñan que asistir a un incendio acontecido nunha vivenda de planta baixa no lugar do Penedo, en Cesullas, Cabana. Por fortuna, a vivenda non estaba habitada, xa que estaba en reformas.

Os bombeiros do GES chegaban de contado, e controlaron pronto o foco, localizado nun dos cuartos do baixo cuberta, afectando tamén á estructura do tellado, que era de madeira. Os Bombeiros de Carballo colaboraron na extinción, enfriamento e ventilación. Os danos por fume estendéronse por todo o interior da vivenda, si ben os máis graves foron nun dos cuartos da parte alta e no tellado.

Segundo os medios desprazados ao punto, houbo unha persoa afectada con queimaduras que tivo que ser trasladada por unha ambulancia de Urxencias Médicas.

comentarios