Sábado. 20.07.2024
El tiempo

O PIMDRural de Íntegro axudou na integración a 70 mulleres costeiras en situación de vulnerabilidade

Atencion Itegro PIDM Rural
O PIMDRural de Íntegro axudou na integración a 70 mulleres costeiras en situación de vulnerabilidade

O Punto de Intervención para Mulleres con Diversidade Funcional do Rural (PIMD Rural) que xestiona a Asociación Íntegro fai balance do período 2022/2023. Dende o pasado mes de setembro foron preto de 70 as mulleres atendidas polo este necesario servizo. Son mulleres con disCapacidade e residentes en concellos rurais da Costa da Morte con baixa densidade de poboación, que necesitan axuda para a súa integración sociolaboral.

Ao longo deste exercicio rexistrouse un maior incremento de intervencións na área psicolóxica debido á dispoñibilidade a xornada completa de persoal especializado na atención individualizada e a mediación familiar e/ou intercultural para a resolución de conflitos no ámbito doméstico .
Por outra banda, realizáronse numerosas actuacións encamiñadas á orientación e información sobre recursos singularizados, de atención e asesoramento persoal e social, así como de apoio directo nas relacións con outras entidades, organismos e servizos para facilitar ás persoas usuarias a súa integración social. De feito, un dos máis demandados nos últimos meses foi o acompañamento a centros sanitarios e outras administracións públicas ou en entidades bancarias para a realización de trámites básicos.

As accións de orientación laboral e o seguimento na busca de emprego seguen sendo, xunto coa realización de actividades para a mellora da empregabilidade, unhas das prestacións máis requiridas polas usuarias, que nesta edición posibilitaron ata cinco insercións laborais.

PDIM Rural Integro Mais Porvir
Íntegro conta tamén coa Porvir 

Formación

Así mesmo, neste último ano, levaron a cabo con gran éxito varios talleres sobre afectividade e sexualidade; habilidades pre-laborais, sociais e domésticas; resolución de conflitos; auto-coidados; manexo do teléfono móbil e bo uso das redes sociais en colaboración coa Garda Civil, e busca activa de emprego.

Se es muller con ou sen discapacidade, resides no rural e queres recibir formación ou precisas apoio e/ou asesoramento, non dubides en poñerte en contacto con Íntegro chamando ao 981 734 985 ou enviando un mail a [email protected].

Comentarios