Muiño de Xan, A Regueira, esquecido no PXOM de Cabana O pasado 22 de marzo era aprobado iniciamente no pleno o Plan Xeral de Ordenación Municipal de Cabana. Un plan que tivo moitas alegacións en 2014 polos rescoldos mineiros, pero que parece que está chegando ao seu remate. Un Plan que segue a ter as súas carencias, como denuncia estes días a Asociación Petón do Lobo, ao entender que o documento “esquece catalogar o importante conxunto etnográfico e patrimonial dos doce Muíños da Regueira e do val fluvial do Lourido, na parroquia de Corcoesto. Lembran tamén que “o Plan tamén obvia o patrimonio etnográfico do val fluvial do Lourido, e en concreto, os muíños do Prillán e de Baralláns do río Lourido”, ademais da ficha do esquecido antigo cemiterio civil de Corcoesto. ”Estas omisións estarían a incumprir a Resolución do 14 de febreiro de 2017 da Consellería de Medio Ambiente e Ordenación do Territorio da Xunta de Galicia, que establecía o alcance do documento e que establecía expresamente a recollida deste patrimonio pola súa importancia”, denuncian.

Valores

Sobre o val fluvial do río Lourido, destacan que se trata dunha área de especial interés paisaxístico que limita co concello de Coristanto, se ben o documento urbanístico omite o patrimonio etnográfico que existe no mesmo, o Muíño do Prillán e o Muíño de Baralláns. Sobre o conxunto etnográfico e patrimonial da Regueira, lembran que está formado por 12 muiños ubicados no lugar de A Regueira, “un espazo natural de alto valor ambiental e ecolóxico”. Paredón no val fluvial do Lourido

Novas relacionadas

• Xaneiro 2016: Petón do Lobo presenta sinaturas para tratar sobre os dereitos mineiros de Corcoesto no PXOM de Cabana.
• Xuño 2014: Os veciños de Corcoesto rexeitan o PXOM de Cabana de Bergantiños.
• Febreiro 2014: O BNG de Coristanco valora o rexistro no Concello e critica o PXOM de Cabana.
• Xaneiro 2014: O PXOM de Cabana segue incluíndo o proxecto mineiro de Corcoesto.

Fonte

• Asociación Petón do Lobo.