Moitas reflexións e discusións sobre o patrimonio déronse a pasada fin de semana en Muxía e Camariñas. A carpa BIComún, da xente de Niquelarte, camuflouse durante venres e sábado entre os postos dos mercados muxián e camariñán, para cambiar as propostas gastronómicas por unhas máis patrimoniais.

O venres as reflexións fixéronse en Muxía e o sábado foi na Praza do Mercado de Camariñas pola mañá e na Caseta de Turismo pola tarde. Ao fronte da proposta de reflexión, a antropóloga Guadalupe Jiménez, que recollía as opinión, sentimentos e valores que as pesoas expresaron respecto ao patrimonio de Camariñas. Entre mariñeiros, palilleiras, xente do mercado, nenas, mariscadoras, turistas e paseantes, xeraronse discusións acaloradas e profundas reflexións en torno ao seu patrimonio, ao riquísimo patrimonio común que define a Camariñas e que forma parte da súa identidade.

Esta experiencia foi unha oportunidade para sacar á rúa diferentes bens patrimoniais e para que a xente mostre as súas opinións, que moitas veces non ten oportunidade de amosar. Guadalupe está a procesar os resultados simbólicos da experiencia e quere expresar o seu agradecemento á xente e á súa participación e ao afecto que a maioria do poco amosa cara ao seu patrimonio.

Un fermoso xeito de que os propios veciños reflexionen en alto sobre os nosos tesouros culturais, para decartanos do potencial que ten a nosa bisbarra.

Máis información

• bicomun.niquelarte.org.

Novas relacionadas

• O patrimonio une Muxía e Camariñas.
• O Encaixe continúa sumerxíndose no século XXI.
• O congro de Muxía puido secar ao sol de setembro.
• Muxía arrasa nos premios de Xestión Cultural co Proxecto Buserana e a Galería Mulleres.
• As 9 Festas Turísticas da Costa da Morte.
• Esixen, unha vez máis, a apertura conforme á lei do Castelo de Ameixenda.
• Pola apertura ao público dos Bens de Interese Cultural.
• 2011: O DOG xa publica como BIC o Castro de Borneiro.

Fonte

• Redacción de QPC (info@quepasanacosta.gal).
• Axencia de Colocación de Camariñas.