Mércores. 30.11.2022
El tiempo

Camariñas pídelle a Portos a continuación do paseo marítimo no Cansorro

Paseo Cansorro Camarinas-3d 3 copia
Recreación 3D do proxecto municipal para a mellora do paseo do Cansorro
Camariñas pídelle a Portos a continuación do paseo marítimo no Cansorro

A alcaldesa de Camariñas, Sandra Insua, e o primeiro tenente de alcalde, Sergio Caamaño, reuníronse onte coa presidenta de Portos de Galicia, Susana Lenguas, para solicitarlle que leve a cabo a continuación do paseo marítimo na zona do ‘Cansorro’. Os responsables municipais leváronlle o proxecto redactado por un técnico municipal co obxectivo de mellorar a seguridade viaria para os peóns nese punto onde remata o paseo marítimo.

A proposta inclúe a construción dun sobreancho sobre a ribeira do mar, con materiais similares ao paseo do porto. Así, crearíase unha estrutura de aceiro inoxidable sobre a que se colocaría unha tarima de madeira tratada para exteriores e varandas de aceiro inoxidable. Ademais, instalaríanse luminarias tipo LED.

Sandra Insua explica que “agora mesmo, nese punto, hai unha evidente falta de seguridade para os peóns xa que ao rematar o paseo teñen que circular ocupando a estrada polo escaso arcén co que conta esta” e destaca que “desde que instalamos as letras de Camariñas esta é unha zona moi transitada por veciños e visitantes, que van a sacar fotos de recordó, polo que esta actuació é urxente”.

Outras imaxes do proxecto

Paseo Cansorro Camarinas-3d 4 copia

Paseo Cansorro Camarinas-3d 2 copia

Paseo Cansorro Camarinas-3d 1 copia

comentarios