Veu a luz esta fin de semana “a exposición que vai significar un antes e depois na historia de Camelle”. O meirande programa cultural dedicado a un naufraxio en Galicia arrincou esta fin de semana en Camelle. O Museo de Man acolle xa a exposición “City of Agra: 124 anos na memoria”.

Unha exposición consecuencoa do “inxente traballo nos 3 anos da A.C. Naufraxios Galegos para recuperar un capítulo excepcional e tráxico do noso patrimonio histórico”, como explicaba no discurso de presentación de Fernando Patricio Cortizo. O organizador recoñeceu a labor encomiable do comisario Xurxo Rodríguez Baña, e das incribles creacións de Manolo do Canle (Manuel Suárez Pose), ademis das achegas artísticas e colaboracións de xentes como Jose María de Petrallo, David Rodíguez Bala, José do Ruso, Mariceli Baña Pérez ou Julio da Cantora.

Jose Maria de Petrallo e Manolo da Canle

As maquetas de Manolo da Canle lévannos por “abraiante viaxe a un dos capítulos máis gloriosos do pasado desta vila mariñeira, que comeza en 1890 cun naufraxio inmortal; segue coa viaxe a través do arte do afundimento do City of Agra en 1897, e remata no 1904, onde nace un mito na prensa da época”.

Patricio lembrou que varios destes naufraxios provocaron que “en Camelle se erguese unha estación de salvamento en 898, que funcionará ininterrumpidamente ata 1965 prestando auxilio aos náufragos e de almacén do rescatado”.

O programa, que conta coa colaboración de Andrea Serodio, do propio Jose María de Petrallo, A.V. Pegoliña e Confraría de Camelle proseguirá 15, 16 e 17 de outubro cunha marea de actividades.

NOVAS RELACIONADAS

• Setembro 21: Programa City of Agra: Camelle e Arou acollen o meirande evento cultural dedicado a un naufraxio en Galicia.
• 2021: Gures e Langosteira acollen representacións teatrais de aAntena relativas aos naufraxios esta fin de semana.
• Maio 2019: 122 anos do City of Agra. Camelle recuperou parte da súa historia salgada.
• Miro Villar: Efeméride: 120 anos do naufraxio do «City of Agra» e un poema de Antón Zapata García.