Antes e despois da repotenciación do parque eólico do Cabo Vilán Xa está lista a a primeira repotenciación dun parque eólico en Galicia. A repotenciación do parque eólico do Cabo Vilán, por parte de Gas Natural Fenosa, permitiu substituír os 22 dos vellos viraventos (23 anos en marcha) por outros 2 de última xeración. Dúas máquinas que de 3 MW de potencia cada un, case tanto como a totalidade de potencia xerada polos antigos 22 viraventos (3,9 MW), polo que haberá un incremento dun 40% da potencia autorizada da instalación. Convírtese así o Parque do Cabo Vilán nun dos pioneiros en Galicia, sendo ao mesmo tempo un un dos primeiros parques construídos en Galicia a comezos dos anos 90. Durante o proceso houbo quen quixo abrir o debate sobre a liberación do Cabo Vilán, unha das Redes Natura máis castigadas de Galicia coa presencia do parque eólico emais unha piscifatoría. Pero as queixas, como a falta de aproveitamento dos vellos emprazamentos para os novos muíños, non foron atendidas polas administracións.

Transporte

As estampas que viviron as estradas da comarca foron ben curiosas. Camións de preto de 50 metros, chegando a pesar 130 toneladas, tiveron que atravesar as estreitas estradas da zona, protagonizando momentos como cando quedou atascada unha aspa no cruce de Caxadas, en Vimianzo, cando ía camiño de Camariñas. Tivo que esperar toda unha noite para ser rescatada. Outra das estampas curiosas foi cando os camións tiveron que cruzar a Ponte do Porto, ou a ponte do río Grande na Piroga: [fbvideo link="https://www.facebook.com/quepasanacosta/videos/10154351075727177/" width="660" height="400" onlyvideo="1"]

Máis proxectos

Outra zona que tamén se verá afectada por esta repotenciación será o parque de Pemalsa en Malpica, que trocará os seus 69 muíños por só 7.

Novas relacionadas

• Xullo 2014: Critican a repotenciación do Parque Eólico do Cabo Vilán.
• 2012: A repotenciación do parque eólico do Vilán abre o debate sobre a súa liberación.

Máis novas

• Febreiro 2015: Como é posible que a Xunta exima do impacto ambiental un proxecto de baterías no Cabo Vilán?.
• Febreiro 2015: O PXOM de Camariñas blinda o Cabo Vilán de baterías.

Outras novas eólicas

• Santa Comba, berce do primeiro viravento comercial.
• Concello e Asociacións piden manter Laxe como o único Concello da Costa da Morte libre de eólicos.
• Decembro 2014: Dous novos parques eólicos ameazan os montes de Bergantiños e Soneira.
• Agosto 2012: Rotunda oposición ao parque eólico Outes-Mazaricos.
• Agosto 2012: 23 eólicos ocuparán a fachada marítima de Touriñán.

Fonte