Venres. 29.03.2024
El tiempo

O PXOM de Camariñas blinda o Cabo Vilán de baterías

O PXOM de Camariñas blinda o Cabo Vilán de baterías
Zona-explotada-do-Cabo-Vilan

Difícil o ten Fenosa para levar adiante a pranta de almacenaxe electroquímica en pleno Cabo Vilán. O PSOE de Camariñas saía á luz pública para deixar claro que o PXOM, aprobado en 2013, e que non permite tan edificación pois dotou a esta paraxe da máxima protección medioambiental.

Esperemos que quede resolto así o asunto e que Fenosa non siga adiante con este proxecto que conta co apoio da Xunta. Unha Xunta que xa fixo a súa análise de impacto ambiental, para a que non contou coa opinión do Concello de Camariñas nin da Federación Ecoloxista galega, e no que ademais resalta que non é necesaria máis avaliación, a pesar de estar en zona proxetida por varias normativas.

De feito, o informe asgegura que “non se pode descartar a aparicióin de restos arqueolóxicos”, por exemplo.

O Proxecto

Mapa do proxecto das Baterias de Fenosa no Cabo Vilan

Falamos dunha proposta para a instalación dun sistema de almacenamento de enerxía elétrica, e a súa integración coa enerxía eólica. É dicir, algo verdadeiramente revolucionario como é almacenar enerxía producida polos muíños, tendo en conta que a día de hoxe a enerxía ten que ser enviada no mesmo instante á rede eléctrica, sen posibilidade de almacenaxe.

Proponse no Cabo Vilán por estar nun proceso de repotenciación, tralo que quedarán 2 viraventos, que producirán máis enerxía que os 23 actuais. O proxecto indica que se demolerían 3 edificacións construídas no parque eólico, para construir dúas novas, que albergarán a sala de control e mais o sistema de almacenamento. Este módulo estará constituido por un módulo redox, a través do cal flúe o electrolito , e dous tanques deste, un para o electrolito positivo e outro para o negativo. Ademais contarán cun electrolito líqueudo formado por ións de vanadio disoltos en ácido sulfúrico; bombas de impulsión, equipo de refrixeración, un convertidor de corrente alterna a continua e un sistema de control.

A zona edificable será de 141.000 m2, supoñendo “unha maior ocupación superficial con respecto ás instalacións preexistentes”, pero para o informe “este feito non sería relevante”

Novas relacionadas

Fonte

Comentarios