Venres. 03.02.2023
El tiempo

O IES Pedra da Aguia recibiu a visita de tres ex parlamentarios

O IES Pedra da Aguia recibiu a visita de tres ex parlamentarios
Charla politica no IES Pedra da Aguia

Continúa o IES Pedra da Aguia achegando a realidade política á Ponte o Porto. Desta volta organizaron unha charla, que forma parte dun programa de coñecemento das institucións galegas. Unha cita que xa é un clásico nas actividades do Centro, que participan nela dende hai máis dun seis anos, e da que disfrutaron este pasado martes medio centenar de alumnos que cursan 3º da ESO. Entre eles, os 15 embaixadores junior do Parlamento Europeo que a vindeira semana irán a Estrasburgo e Bruxelas.

Alumnos de 3 da ESO do IES PEdra da Aguia Alumnos de 3º da ESO do IES Pedra da Aguia

Recibiron a visita de tres ex deputados do Parlamento Galego, Manolo Varela, polo PP, Marisol Soneira polo PSdG e Juan Manuel Fajardo por AGE. A charla comezou cun vídeo sobre o funcionamento do órgano lexislativo de Galicia, e despois tomaron a palabra un por un. Destacaron a importancia do papel dos partidos minoritarios como oposición que critica, pero que tamén aporta, e da incorporación progresiva da muller á vida política. Solicitaron unha maior implicación da sociedade no xogo democrático e un maior respecto aos políticos, xa que moitas veces non se lles recoñece o seu traballo a pé da rúa.

Dende unha perspectiva económica invitouse aos alumnos a entrar en contacto cos problemas da sociedade: “sodes accionistas dunha empresa chamada Galicia”.

Na quenda de preguntas os alumnos quixeron coñecer se o traballo dun parlamentario esixe moita dedicación, cando decidiron entrar en política, por que se decantaron por un determinado partido, ou se polo feito de ser muller tiveron máis trabas para entrar nese mundo.

Fajardo Marisol Soneira e Manolo Varela no IES PEdra da Aguia Fajardo, Marisol Soneira e Manolo Varela no IES PEdra da Aguia

Novas relacionadas

Fonte

comentarios