Os incendios en Toba e Cures manteñen en vilo á Costa da Morte

Os incendios en Toba e Cures manteñen en vilo á Costa da Morte

Redacción

11:38 11/08/16

Última hora (08:30h do día 12): Controlado ás 2:36 da pasada madrugada o #IFTobaCee. Segundo as últimas estimacións, a superficie afectada é dunhas 180 hectáreas. No lugar están traballando 14 axentes, 29 brigadas, 17 motobombas e 1 helicóptero.
Última hora (0:30h): EXTINGUIDO o #IFCarnésVimianzo. Segundo as últimas estimacións, a superficie afectada é de 47,39 ha, das cales 15 son arboradas.
Última hora (20:30h): A Xunta segue sen actualizar datos dos #IFTobaCee (xa non perigan as casas, polo menos, pois baixou a nivel 1) nin #IFCuresVimianzo... Dende o terreo arrasado, cóntannos que O incendio en Sembra está controlado, pero cas brigadas a pé de cañon por si reavivan as lapas. Por Sardiñeiro, o lume segue activo pero non de todo controlado.
Última hora (14:00h): mantense o nivel “Situación 2” no incendio rexistrado no concello de Cee #IFTobaCee, pola proximidade do lume ás casas de Sembra, Sardiñeiro, Cabaleriza… No lugar están traballando 9 axentes, 18 brigadas e 10 motobombas. A esta hora a Xunta segue dando a cifra de 180 hectáreas afectadas.
Última hora (14:00h): segue activo o #IFCuresVimianzo, que afecta ao lugar de Cures, en Carnés, e a zona das Barrosas, na Ponte do Porto. Os datos de superficie afectada segue a ser dunhas 70 hectáreas. Traballan no lugar 1 técnico, 5 axentes, 11 brigadas, 8 motobombas e 1 helicóptero.
Última hora (14:00h): Préndenlle lume á madeira almacenada no peirao de Brens, en Cee. 3 motobomba, Protecciín Civil, Policia Local e o remolcador loitan por apargalo.
Última hora (14:15h): Conato incendio sofocado con rapidez en Fumiñeo (Muxía).

Queiman a madeira do peirao de Brens

Incendio de onte na zona de Sembra-Foto-Dario Gomez Despois dunha auténtica tarde-noite de pánico en Cee e Fisterra, a cousa non amenceu tranquila. En 2 días xa se queimaron máis hectáreas de monte na Costa da Morte que en todo 2014, e dous lumes seguen activos ás 10:00h da mañá deste xoves 11 de agosto. Dous lumes que provocan o medo e a rabia de centos de veciños afectados e de todo o sentir dun país asolagado por unha enfermidade que parece crónica. Se por Sardiñeiro a cousa está máis controlada, despois de ter que desaloxar media vila, o #IFTobaCee segue devorando superficie forestal e ameazando ás casas pola zona de Sembra. Aínda se mantén a “Situación 2” por proximidade ás casas de Sembra e Cabaleriza, que tiveron que se desaloxadas tamén na tarde de onte. A esta hora da mañá, a superficie afectada é dunhas 180 hectáreas. No lugar están traballando 7 axentes, 15 brigadas e 8 motobombas. Cómpre destacar a colaboración de todos os fisterráns e fisterrás que encheron de mantas e sacos, tralo chamamento do Concello, o pavillón, para acoller aos evacuados sobre todo da zona de Sardiñeiro. "A solidariedade foi máxima e grazas aos veciños o pavillón municipal estivo provisto de todo o necesario para solventar a demanda de axuda aos veciños e veciñas que o chegasen necesitar", recoñecía o teniente alcalde.

Parecía calmo pero o vento volve reavivar o fume esta mañá en Sardiñeiro-Foto-Palmira Así estaba o lume por Sembra onte á noite: [fbvideo link="https://www.facebook.com/quepasanacosta/videos/10154312603962177/" width="660" height="400" onlyvideo="1"] E así por se veía dende Estorde: [fbvideo link="https://www.facebook.com/quepasanacosta/videos/10154312303052177/" width="660" height="400" onlyvideo="1"]

Incendio en Cures

Incendio en Cures-Vimianzo dende a Ponte do Porto-Foto-Miri Ver E aproveitando a coxuntura, algún desalmado subiu ás 23:45h da noite ao monte de Cures, en Canés, Vimianzo, moi preto á zona urbana das Barrosas, na Ponte do Porto (Camariñas), para prenderlle lume. Segundo unha primeira estimación, a superficie afectada é dunhas 70 hectáreas. Traballan no lugar 1 técnico, 2 axentes, 5 brigadas e 5 motobombas. Polo camiño, un camión do servizo de extinción sufre un accidente en Camariñas e os seus dous ocupantes resultan feridos Os servizos sanitarios de urxencia tiveron que trasladar aos dous ocupantes dun dos vehículos do servizo de extinción, tras producirse un accidente na Ponte do Porto, en Camariñas. Foi o persoal do mesmo Concello quen, pasados dez minutos das 00:30 horas, alertaba ao CAE 112 Galicia do accidente. Indicaban que, no camión ían dúas persoas e unha delas estaba atrapada no interior do vehículo. De inmediato, informouse a Urxencias Médicas e aos Bombeiros, sendo os membros do parque comarcal de Santa Comba os que se desprazaron ao lugar. Dende o 112 Galicia tamén se solicitou a colaboración das Forzas da Orde e a dos efectivos de Protección Civil de Camariñas que confirmou o traslado dos dous feridos ao centro centro hospitalario de referencia.

Vista do incendio dende Carnés, co lume por riba de Cures-Foto-Esteban Petrallo

Conato incendio lugar Fumiñeo

#seveslume085

Agracedemos e invitamos aos usuarios de QPC que nos fagan chegar as súas imaxes e impresións a través do noso Facebook e o noso Twitter, e a través do whatsapp (637 704 893). A resposta de onte foi espectacular e os lectores de QPC achegáronnos máis dunha ducia de imaxes dende varios puntos da comarca para manternos informados. E lembramos tamén, como fai a Consellería do Medio Rural e do Mar, que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. #seveslume085