Na baixamar deste pasado domingo, 20 voluntarios incluídos 8 nenos, veciños de Camariñas, nun esforzo épico de traballo a man, durante 2 horas retiraron do mar, do porto e o seu paseo marítimo, un enorme volume de pesados cabos, redes soterradas no fango e podres de anos mergullados nas augas, neumáticos de coches, caixas de peixe e bigbags de materias de construcción. ferros, etc. etc. etc.

Ao mesmo tempo, unha parte dos pais acompañando aos nenos pequenos, apañaron o lixo plástico miúdo e non tan miúdo, todo ao longo da liña de marea, baixo a rúa de entrada á vila.

Os numerosos curiosos que observaban este traballo dende o paseo marítimo puideron comprobar como a ribeira de Camariñas quedaba libre de contaminación tóxica e visual do lixo plástico por mor da decidida actitude deste grupo de veciños, que deron exemplo de responsabilidade e concienciación ambiental de cara á limpeza e coidado da súa casa común: o seu mar.

Impecable acción medioambiental, tan efectiva no mar como nas cabezas do que o viviron.

Novas relacionadas

• Xullo 2020: O voluntariado de Mar de Fábula recolle 24 sacos de lixo nos coídos de Coenda e no Corno.
•  Xuño 2020: Mar de Fábula retoma a actividade medioambientais
• Xosé Manuel Barros: A invasión do coronavirus e das criaturas caóticas.
• Febreiro 2020: O voluntariado de Mar de Fábula e Comarea rescata 38 sacos de lixo do Coído de Touriñán