Domingo. 29.03.2020
El tiempo

O voluntariado de Mar de Fábula e Comarea rescata 38 sacos de lixo do Coído de Touriñán

O voluntariado de Mar de Fábula e Comarea devolve o coído de Touriñán ao seu estado natural
O voluntariado de Mar de Fábula e Comarea rescata 38 sacos de lixo do Coído de Touriñán

Esta fin de semana tivo unha nova limpeza medioambiental. A Asociación Mar de Fábula unía forzas coa Asociación Xuvenil Comarea, de Muxía, para afrontar a limpeza do coído de Touriñán. Unha cita á que non faltan nos últimos 5 anos, e que sempre deixa a súa importante pegada.

Alí acodiron 23 [email protected] a recoller lixo baixo un ceo revolto de grandes nubes sen auga, nunha atmósfera confusa de escuma e salitre, e co vento do sur pegando con refachos de 40 nudos. “A pesar de nós vir en son de paz para aliviar as súas feridas, o mar semellaba querer engulirnos botando a cada treito as gadoupas, sen errar de todo, sen atinar de máis”, explica sentido Xosé Manuel Barros, sobre este inhóspito lugar, “natureza en estado puro”.

Despois de 2 horas de traballo, o coído quedou limpo, no seu estado natural. Foi falta rescatar 38 sacos cheos de lixo plástico misceláneo, enorme volume de grane. A anécdota, esta vez, unha estacha dun mercante de 25 metros de lonxitude que serviu para trincar ben os sacos na espera dunhas horas polo tractor con remolque do concello de Muxía, para levalo e clasificalo no punto limpo.

Estaba previsto un acto cultural, con recital e música, pero o único concerto que sonou foi o son do vento.

Exif_JPEG_420

Novas relacionadas

Máis novas

comentarios