O proxecto de creación do Museo dos Naufraxios na Lonxa de Camariñas avanza
O futuro Museo dos Naufraxios de Camariñas podería ser unha solución. O goberno camariñán segue a tomalo como unha prioridade, e a alcaldesa Sandra Insua e a concelleira Encarna Liñeiro veñen de manter unha reunión cos técnicos de Portos de Galicia para avanzar na cesión da titularidade do edificio.
Pois o primeiro paso para a transformación do antigo edificio da Lonxa Vella (baleiro e en estado ruinoso) no Museo ten que ser a cesión da titularidade por parte da Xunta ao Concello. Xa en xaneiro deste ano o Concello facía a petición formal no Parlamento Galego, e a reunión de hoxe serviu para dar un paso máis e concretar os usos que o Concello destinará á Lonxa Vella. Cando se certifique esa cesión, o goberno local enviará por escrito a Portos o proxecto para a rehabilitación do edificio e a modificación do seu uso.
Usos
Ademais de converterse no Museo dos Naufraxios tamén se habilitará no edificio unha sala que albergará conferencias ou cursos formativos. Por outra banda, instalarase unha cafetería que dará uso aos usuarios e usuarias do museo.
Financiamento
A idea é optar, canto antes, a diferentes axudas como as do GALP.
Planta da Lonxa Vella
Novas relacionadas
- Xaneiro 2020: O Concello de Camariñas esixe a cesión da Lonxa Vella por parte da Xunta para albergar o Museo do Mar.
- 32 anos solicitando un Centro de Investigación de Arqueoloxía Subacuática.
- 18-09-19: Piden que os canóns do séc. XVI rescatados en Camariñas queden na Costa da Morte.
- Miguel San Claudio: ”Ogallá os responsables políticos sexan conscientes do que teñen co patrimonio náutico e subacuático da Costa da Morte e lle saquen partido”.
- Estragando unha gran ocasión co esfolado Museo Seo de Corcubión.
- 2011: Non ao Museo subacuático da Costa da Morte.
- 2011: A Xunta asegura que estudiará a creación do museo subacuático da Costa da Morte.
