Domingo. 03.07.2022
El tiempo

A reposteira Silvina Muñoz, premiada como emprendedora rural

Silvina Munoz Algareira
A reposteira Silvina Muñoz, premiada como emprendedora rural

@Algareira é o nome da marca de Silvina Muñoz. Esta reposteira arxentina leva moitos anos na Costa da Morte, entre Camariñas, o seu campamento base, e Vimianzo. Fai uns postres, uns bizcochos, unhas bolachas… que fai tremer a calquera; e unha valentía que a leva a mesturar mesmo mar e chocolate, ou a meterse en todo certame que haia.

Esta semana é a aúnica representante galega no congreso de Madrid que reuniu a máis de 300 mulleres rurais emprendedoras de toda España. Alí, Algareira, recibiu unha das bolsas Ruraltivity, un recoñecemento patrocinado pola Fundación PepsiCo e través do cal 10 emprendedoras rurais accederán a unha axuda directa de 5.000 euros para impulsar os seus proxectos.

Algareira é un obradoiro de repostería innovador asentado en Vimianzo que usa produtos mariños, ecolóxicos e sostibles, para as súas exquisitas creacións gastronómicas. Ademais, converteuse nun referente na economía circular por utilizar produtos das hortas da comarca que tamén son xestionadas por outras empresarias.

PREMIO MADRID algareira
Silvina, no centro abaixo, no Encontro

comentarios